2 NENG SATANG 35:11 - Khumi Common Language Bible

¹¹ Levi theaungchi ly beramchi, mi-ichi tleh iy peih lei u. Pathyp pi nai keungchi my maicham salo y thi katheng u.

2 NENG SATANG 35:11 ပူးပေါင်းရင်းမြစ်များ

2 NENG SATANG 29:34

Hijirei tawnbawichi tleh ai nai pathyp pi nai keungchi aha leila y nai deaungkho y, amymychi ai kachai sa chum naichi, pathyp pi nai keungchi anga y nai ryrei ly kalop pajau pa-rei, Levi theaungchi my sabawm u nai ne. (Levi theaungchi ly pathyp pi nai keungchi tleaung y, Reita leaungsai kachai sa naira y hawihai palai sa nai ne.)

2 NENG SATANG 30:16

Nichi ly Tameuh i khumi Mosi i Reita leu pei nai theung y thui pi nai kamta, Achura yhm theung y meingtym la u bo. Levi theaungchi my tawnbawichi i thi ly pathyp pi nai keungchi teng y talam pi iy, pathyp pi nai keungchi my huni thi ai maicham tleaung y katheng u nai ne.

2 NENG SATANG 35:1

Samrang Josia ly Areng ai tahm pasang nai, Jerusalem mary y Katlen Vui nai Pawi sa iy, angchei lo kani holai palyhrei kani y si hawi beramchi tleh hai bo.

2 NENG SATANG 35:12

Naibaly nichi ly Mosi i reita cha-iura thui yb nai kamta, leng patlum ai nai tawnbawichi ly mipuichi teng y yhm dengtheungchi ka-thui paji pi sei bo.

2 NENG SATANG 35:6

Nangchi ly Katlen Vui nai beramchi, mi-ichi tleh ai nai tla. Vai, nangmychi ai Reita leaungsai kamta kachai sa iy, Mosi dengdairei Areng i leu pei naichi teaung u patawm ai nai kapathyprachi angvei u rym,” napi.

EZARA 6:20

Pathyp pi nai keung hawi Levi theaung bawibawichi ly mymychi apachai nai deaungkho y, reita leaungsai molam y chai u nai ne. Levi theaungchi ly mymychi i pri y vawi u teang nai khumichi, pathyp pi nai keungchi hawi mymychi kypkyp i vui py katlen vui nai tawnbawichi tleh u bo.

Kati Nai 18:3

Nichi ly nang i atiti kalopchi hawi Tabynako i vui atiti kalopchi sa u ai nai tla. Na i py nichi ly meingtym kachai i ateaungchi ai py, maicham ai py abi u moh sy; abi u lawh baly nang hawi vanrei nichi ly dei ai.

Kati Nai 18:7

Na i py nang hawi nang i chapochi naini maicham hawi chai keh nai meingtym i vui, pathyp pi nai keung i sa ai tla nai kalopchi sa ai nai ne. Khumi takhra nai ahai lawh baly, huni khumi ai ly padei ai nai tla. Kai ly nangchi ai pathyp pi nai keung y tahm kang pasang nai ne i, nangchi ly hini kalopchi sa u ai nai tla,” napi.