2 NENG SATANG 34:8 - Khumi Common Language Bible

⁸ Samrang lyn nai saneng holai tajarei saneng y, pri verei hawi Achura yhm y myn chiu naichi ai kachai sa chum baly, samrang Josia ly Azalia i chapo Shaphan, Jerusalem mary aripeang Maseja hawi Joaha i chapo samrang i bangtang kalen Joah, nichi leaung thomreichi ai Areng Tameuh i Achura yhm sa palum ai nai pato nai ne.

2 NENG SATANG 34:8 ပူးပေါင်းရင်းမြစ်များ

2 SAMUELA 20:24

Adiniram ly miseaung kamta kalop sa naichi ai peang iy, Ahilud i chapo Jehoshapha ly vuikanai kry nai keung ne.

2 SAMUELA 8:16

Zeruiah i chapo Juaba ly tavailu areng keh ne iy, Ahilud i chapo Jehoshapha ly vuikanai kry nai keung ne.

1 NENG SATANG 18:15

Abisai i amnau Juaba ly tavailu areng keh ne iy, Ahilud i chapo Jehoshapha ly recordchi kry nai keung ne.

2 NENG SATANG 18:25

Naibaly Ahab ly mymy i samrang yhm miteaung keh leaungrei teng y, “Mikaia ai patiu ly mary lu areng Ammon hawi samrang i chapo Joasa teng y pahawi jo.

2 NENG SATANG 24:12

Samrang hawi Jehojada nini ly huni tangkachi ai, Achura yhm palum naira y lu sa naichi teng y au pi bo. Lu sa naichi ly sa palum nai molam iusai kakawpchi, lasamachi, paiphichi, myn oh nai keungchi ai alai nai ne.

2 NENG SATANG 24:5

Ni ly pathyp pi nai keungchi hawi Levi theaungchi ai, Juda pri mary tleirei y pato iy Achura yhm saneng tleirei palum ai nai molam, khumi mipuichi teng i tangka ka-lawn pa-rei cheaung hai bo. Samrang ly hini kalop sa kaliki ai nai leu pei i py, Levi theaungchi ly aninaw nai ne.

JEREMIA 21:1

Juda samrang Zedekiah ly Melkhia i chapo Pashura hawi Maaseiah i chapo pathyp pi nai keung Zephaniah nini ai kai teng y pato iy,

JEREMIA 25:3

“Areng ly Ammon i chapo Juda samrang Josia i samrang lyn nai saneng holai thom ka-so vaini khrairei, saneng apom phai thomrei sala y, kai teng y leu ang pei nai ne. Kaimy py mymy i leu pei naichi ai, nangchi teng y kang thui pi bo. Na i py nangchi ly tahm khai u y.

JEREMIA 26:24

Na i py kai ly Shaphan i chapo Ahikam my asa hai nai deaungkho y, khumichi i kiu y au i, padei y nai ne.

JEREMIA 29:21

“Israela chengchi i Tameuh, ati cheaungkhang sa thai nai keung Areng ly nangchi ai mymy i amyn angam iy li-tapawp nai Kolaiah i chapo Ahab hawi, Maaseiah i chapo Zedekiah nini i molam y leu pei nai ne. Mymy ly huni khumichi ai Babulon samrang Nebukhadnezar i kiu y au ai nai ne iy, huni samrang py nichi ai nangchi i mei ka-niu y padei ai, nanai leu pei bo.

JEREMIA 29:3

Kai ly huni cha ai Juda samrang Zedekiah my samrang Nebukhadnezar teng y pato nai Shaphan i chapo Eleasah hawi, Helkia i chapo Kemaria nini lawi pei pi. Huni cha theung y,

JEREMIA 36:10

Huna nai khala y Baru ly cha aeangra i, kaimy labeaung mang thui pi nai ngiereichi ai, Achura yhm theung y awm nai khumichi thai pajau nai meingtym mang phain pi bo. Ni ly Kemaria i chapo, samrang ai tau pei nai keung Shaphan i takun mang my huni cha phain pi nai ne. Huni takun ly Achura yhm katheu pa-kho kangtha kunra sahawi, salo kangtheng theung y awm nai ne.

JEREMIA 39:14

kai ai samrang yhm apai theung i nai pahawi u bo. Hunaibaly nichi ly kai ai chymme naimy yhm y tym teang ai nai Shanphan i katu, Ahikam i chapo Kedalia i kiu y au bo. Hunai deaungkho y kai ly kaimy i chengchi hawi vanrei, awm ali teang ai nai nga bo.

JEREMIA 40:11

Hina nai thymthang khala y Babulon samrang ly Israela cheng phyreichi ai Juda pri y awm ai nai pei iy, Shaphan i katu, Ahikam i chapo Kedalia ai samrang i bangtang kalen y palyn nai satang ly Moba pri, Ammon pri, Edom pri hawi takhra prichira y awm nai Hebrai cheng bawibawichi thai u nai ne.

Ezekiela 8:11

Hunira y Shaphan i chapo Jaazaniah raurei, Israela cheng lu sa nai leaung vui saryhreichi awm. Nichi ly mui katui leng patlum nai khau ha harei syn u akyhkyh. Mui katuira i maikhyhchi py amhui kalau nai ne.