2 NENG SATANG 34:31 - Khumi Common Language Bible

³¹ Ni ly samrang i leungcheng sahawi y angdo iy, “Kai ly nang i leu tangai ai. Nang i reita hawi leu pei naichi ai paleung hawi verei kry ai. Leu Maikawm cha-iu theung y tajiu nai kamta sa patawm ai,” nanai Areng hawi Leu Maikawm asa bo.

2 NENG SATANG 34:31 ပူးပေါင်းရင်းမြစ်များ

2 ARENG KEH 11:14

Achura yhm katheu pa-kho ra i yhmmawm sahawi y, Juda samrangchi i sa reng nai reita kamta angdo nai samrang kangtha ai py, tavai luchi hawi baw eng nai khumichi ly samrang ai taki teungtareung iy, amo theu aeu naimy bawchi eng u nai py niu i, my i ateaung sei iy, “Ang tiu nai na ahi ly! ang tiu nai na a hi ly!,” nanai aeu bo.

2 ARENG KEH 11:17

Pathyp pi nai keung Jehojada ly samrang hawi khumi bawibawichi ai, Areng i khumichi lawm u ai nai Areng hawi leu maikawm asa hai bo. Samrang hawi khumi mipuichi ai py leu maikawm asa hai leungtang nai ne.

2 ARENG KEH 11:4

Na i py saryh saneng tym nai khala, pathyp pi nai keung Jehojada ly samrangnu i tamcheaung tavai luchi hawi, samrang yhm typ nai tavai luchi ai Achura yhm y palau iy, my i dawn tau nai kamta sa u ai nai vaineng adeu hai bo. Naibaly ni ly huni khumichi teng y samrang Ahazia i chapo Joasa ai patei pi i,

2 ARENG KEH 23:3

Ni ly samrang yhm i yhmmawm sahawi y angdo iy, “Kai ly nang i leu tangai ai; nang i leu hawi Reita leu pei naichi ai, paleung, phailo, atho bawibawi hawi atyp ai,” nanai Areng hawi leu maikawm asa bo.

2 NENG SATANG 15:12

Nichi ly mymychi i amsi pajochi i Areng Tameuh ai, paleung hawi tlang verei chiu ai, nanai Leu Maikawm sa u nai ne.

2 NENG SATANG 15:15

Juda khumi bawibawichi ly paleung hawi tlang verei Leu Maikawm asa u nai deaungkho y amo theu u bo. Nichi ly paleung hawi verei ahihawi nai deaungkho y, Areng ly nichi i ahihawi nai kawn pi i, meingtym tleirei y tlamsa hai bo.

2 NENG SATANG 23:16

Jehojada ly samrang Josha hawi vanrei khumi mipuichi ai, Areng i khumichi lawm hai ai nai mymy hawi Leu Maikawm asa bo.

2 NENG SATANG 29:10

“Kado katheu rym ai nai vai, kai ly Israela chengchi i Areng Tameuh hawi Leu Maikawm asa ai nai kadawn bo.

2 NENG SATANG 30:16

Nichi ly Tameuh i khumi Mosi i Reita leu pei nai theung y thui pi nai kamta, Achura yhm theung y meingtym la u bo. Levi theaungchi my tawnbawichi i thi ly pathyp pi nai keungchi teng y talam pi iy, pathyp pi nai keungchi my huni thi ai maicham tleaung y katheng u nai ne.

2 NENG SATANG 31:21

Ni ly Achura yhm i vui sa nai kalopchira py, Reita leu pei nai ai kry naira py, mymy i Tameuh teng y paleung hawi tlang apei naimy sa nai deaungkho y eaung naira nga nai ne.

2 NENG SATANG 34:32

Samrang ly Benjamin theaungchi hawi Jerusalem mary y awm nai khumi bawibawichi ai py, Leu Maikawm atyp ai nai adeu hai bo. Hunai deaungkho y Jerusalem mary i khumi bawibawichi ly amsi pajochi i Tameuh hawi mymychi asa nai Leu Maikawmra abawi naichi teaung patawm u.

2 NENG SATANG 6:13

(Solomon ly jeng miu pangrei, kah miu pangrei, ka-sang miu thomrei awm nai kheupaja bailang sa iy, huni ai ly apai theung i ly-um y khai bo. Samrang ly huni bailang salo y lyn iy khumichi my niu pajau naira y kheukhu di naimy kiu pheu.)

EZARA 10:3

Vai kaichi ly huni neampachychi hawi cho chanauchi ai khai su ai, nanai kaichi i Tameuh teng y vaineng adeu u ai. Tameuh i leu pei naichi tahm khai u nai, nang hawi takhra khumichi my tau pei nai kamta, kaichi kasa u ai. Kaichi ly Tameuh i Reita leu kamta sa khyp ai mang.

NEHEMIA 10:29

Mosi dengdairei Tameuh my pei nai Reita leu tangai ai. Kaichi ai Areng my pei nai leu bawibawichi tangai ai. Nang i Reita leuchi hawi dawn hai nai bawibawichi tangai ai. Hini adeu nai leu ai taphra lawh baly vaineng lawi kalei sy.

NEHEMIA 10:30

Kaichi ly hini pri y awm nai cheng takhrachi hawi apom ai ny y.

NEHEMIA 9:38

Hini atitichi molam y kaichi Israela mipuichi ly adeu nai leu ai cha hawi tajiu iy kaichi i luchi, Levi theaungchi hawi pathyp pi nai keungchi my, pajawp typ nai ka-ma-ra nip u bo.

SAM 119:106

Nang i meitang naimy tara chih naichi tangai ai, nanai kai ly amy i vaineng abeu nai khaw hai ai.

SAM 31:24

Areng ai ajeng nai khumi bawibawichi awi, paleung khaw parai naira awm iy, vam nai paleung awm u.

JEREMIA 50:5

Nichi ly Zion mary mang y chei nai lam deng iy, huni mary mang y chei u tapai ai. Nichi ly kai hawi deungtasarei Leu Maikawm asa iy, huni Leu Maikawm ai mana khala py taphra u ai ny y.

Ezekiela 46:2

Peang thym nai samrang ly huni katheu mang, apai theung i ly-um dengdairei katheu pa-kho theung mang y awm nai takun theung y kun ai nai tla. Ni ly mymy i leng patlum nai kapathyprachi, leunghawi kapathyprachi ai pathyp pi nai keungchi my talam nai thym khala, katheu pa-kho chengheng sahawi y angdo ai nai tla. Ni ly katheu pa-khora chiu sa chum baly, angam mang y theu teang ai nai tla. Katheu pa-kho ly dym mang y khrairei paeaung jo ai nai tla.

Leu Thui Nai 13:4

Areng teng y abang u ly mymy ai phai taham khai u; mymy i reitachi patawm u ly mymy i leu tangai u. Mymy ai chiu u ly mymy ai ka-ym awm u.

Leu Thui Nai 13:5

Na i py nangchi ai Aikupta miseaung i nai lawi hai nai keung Areng ai tiu ai nai ang parawi nai amo, ti y baly amang thui pachai kawp naichi ai ly padei pawn ai nai tla. Huni khumi ly nangchi ai Areng i leu pei nai hengra lam dengdairei amphri hai vui ai nai parawi nai keung ne. Huni tamang naira i nai nangchi asyn vui thai ai nai, huni khumi ai padei vui ai nai tla.

Leu Thui Nai 29:1

Sinai mawi saleung y Areng ly Israela chengchi hawi leu maikawm asa pajau nai bo y, vai Moba pri y Mosi dengdairei Israela chengchi hawi Leu Maikawm asa panawi bi nai ne.

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

JOSUA 24:25

Hunai deaungkho y Josua ly huni kani y, khumichi hawi Leu Maikawm asa chum baly, Sekhem mary y nichi sa patawm ai nai reitachi khai pi bo.