2 NENG SATANG 34:13 - Khumi Common Language Bible

¹³ Levi theaung phyreichi ly yhm sa nai ateaungchi tawn nai kalopra py, phyreichi ly kalop takhra takhrachi ra y kalop sa keungchi ai kalop pacheang naira py, phyreichi ly recordchi kry nai, ti y baly katheu pa-kho tym naichi ra py kalop sa u nai ne.

2 NENG SATANG 34:13 ပူးပေါင်းရင်းမြစ်များ

2 ARENG KEH 7:10

Naibaly nichi ly Suria tavaimichi Taira i theu u iy mary mang y chei u i, mary katheu pa-kho typ nai risachi teng y, “Kaichi ly Suria khumichi i Tai naira y chei u i, khumi leaungrei py by y, katyn py thai y. keaungngochi hawi keaungngo kano kasauchi py pakheng naimy awm. Taichira py Suria khumichi i khai su nai kamta awm,” napi.

1 NENG SATANG 16:38

Jeduthun i chapo Obed Edom hawi ni i nupaichi theung i khumi leaung 68 reichi ly Asap hawi Levi theaungchi ai sabawm hai bo. Hosah hawi Obed Edom nini ly katheu pa-kho tym naichi i lu ne.

1 NENG SATANG 16:42

Palo nai khulym thui nai thym khala, Heman hawi Jeduthun nini ly baw, sa-ra hawi takhra katyn kapauchi beu naira py lu sa. Jeduthun nupai theung i khumichi ly katheu pa-kho typ naichi ne.

1 NENG SATANG 9:17

Jerusalem mary y awm nai Achura yhm tamcheaung risachi ly Shalum, Akub, Talamon hawi Ahimanchi ne. Shalum ly nichi i lu ne.

2 NENG SATANG 19:11

Reita leaungsai ka-jo kahm tleirei y pathyp pi nai keung kalen keh Amariah my ne sy, tara kahm ngierei ly Ishamaela i chapo Zebedia my ne sy, kangkhym i sa thai naira awm nai keung lawm ai nai tla. Tara jeungchira i chih chum naichi ai bawi la ai nai ly Levi theaungchi i kalop ne. Nangchi ly hini leu pei naichi ai vam parai naimy su u. Areng ly khumi kahawi ngiereichi teng y awm hai sy,” napi.

2 NENG SATANG 2:10

Kai ly nang i kalop sa keungchi i vui cha nei vawn chohpui chomaw teaung 250,000 rei, chajai choh theaung 250,000 rei, kreip hang ka-leang 110,000 rei hawi olive asitui ka-leang 110,000 rei tha pi ai,” napi.

2 NENG SATANG 2:18

Samrang ly huni khumichi theung i vawnsai tawn ai nai khumi leaung 70,000 rei, mawi mang y lengseaung si ai nai khumi leaung 80,000 rei, kalop pacheang nai khumi leaung 3,600 rei khai nai ne.

2 NENG SATANG 8:10

Samrang Solomon i sa ai paran nai kalopchi ra y sa nai kalop ramchi ai, kalop pacheang nai keung leaung 250 rei awm nai ne.

2 NENG SATANG 8:14

Ampo Davida my sa pi yb nai reita kamta, samrang ly pathyp pi nai keungchi kani tleirei sa ai nai kalopchi py, Pathyp pi nai keungchi i kalop sa naira y sabawm iy khulym thui u nai Levi theaungchi i kalopchi py, pasym pi yb bo. Tameuh i miseaung Davida my leu pei nai kamta, Achura yhm typ nai tamcheaung risachi py, kani tleirei sa ai nai kalopchi kamkawm phy pi bo.

NEHEMIA 4:10

Juda mipuichi my, “Kaichi ly kalop kasa u nai akawm parai bo; pasym pan ai nai anyn angsochi py awm ma mang rai nai deaungkho y, ati mana nai kaichi ly vainimy mary apai kasa u pajau ai mo?” nanai khulym thui u bo.

JEREMIA 8:8

Kai i reita pany iy nangchi ly khumi kacheng ne, nanai ati mana nai nangchi thui u thai ai mo? Leu meitang teaung y nai reita pany nai keungchi my, reita sa palai pawn nai ne.

MATTHAI 26:3

Hunai thym khala y ly pathyp pi nai keung kalen keh nai Kaiapha napi nai i lyum y ly pathyp pi nai keung kalenchi hawi, khumi humchi i miteaung kehchi ly achu u bo;