2 NENG SATANG 33:7 - Khumi Common Language Bible

⁷ Ni ly Achura yhm theung y myn khai nai ne. Huni Achura yhm molam y Tameuh my Davida hawi chapo Solomon teng y, “Israela theaung holai nyhreichi i khu ka-peang ngiereichi theung i, kaimy vawi takhra nai Jerusalem mary i hini Achura yhm theung y, kai ai chiu u jojo ai nai tla.

2 NENG SATANG 33:7 ပူးပေါင်းရင်းမြစ်များ

1 ARENG KEH 11:13

Naibaly kai ly kai i miseaung Davida saho y py, kai i mary pui lawm ai nai vawi takhra nai Jerusalem mary molam py, Davida i pri verei lo pi y ai; ni i cheng theaung harei khai pi ai,” nanai Solomon teng y thui pi bo.

1 ARENG KEH 11:32

Kai i miseaung Davida i meimai y hawi, Israela pri verei i vui y kaimy vawi takhra nai Jerusalem mary saho y py, kai ly Solomon ai cheng harei peang ai nai pei ai.

1 ARENG KEH 12:28

Huna adawn nai bo y Jeroboam ly muku hawi si kataicho myn sa iy mipuichi teng y, “Nangchi ly Jerusalem mary y chei iy Tameuh ai chiu nai neng kra parai bo. Israela khumichi awi, Aikupta pri i dengdairei ang pahawi nai tameuhchi ly hini tameuhchi ne!” napi.

1 ARENG KEH 8:29

Nang ai chiu ai nai nangmy vawi takhra pi nai, hini Achura Yhm ai vum kanithun typ pi jojo kyh ba. Hini Achura Yhm mang y mo tha naimy kai, chiu sa nai khala tangai pi kyh ba.

1 ARENG KEH 8:44

“Nang ly nangmy i khumichi ai paleung ka-echi hawi tavai atiu ai nai leu pei nai khala y, nichi ly nangmy i vawi takhra nai hini mary hawi, nang i vui kaimy kang sa pi nai hini Achura Yhm mang y mo tha iy chiu sa hnei takeng nai khala,

1 ARENG KEH 8:48

Leu kabeaung y nichi ly huni pri y awm nai khala, uikheih tatang naimy mychi i amsi pajochi teng y nangmy pei nai hini pri mang y, nangmy vawi takhra nai hini mary mang y, kaimy sa nai hini Achura Yhm mang y, mo tha iy chiu sa hnei takeng lawh baly,

1 ARENG KEH 9:3

Areng my ni teng y, “Kai ly nang i chiu sa nai thai bo; kai ai chiu jojo nai meingtym lawm ai nai, nang i sa nai hini Achura Yhm ai kaimy khai takhra pi bo. Hini Achura Yhm ai kaimy avawrei kang khen pi ai.

2 ARENG KEH 23:6

Ni ly Aser tameuh nu teng y talam nai tamkhawn py, Achura yhm theung i nai patheu vui iy mary angam mang i Kidron leaunghawi ra y mai hawi leng vui bo. Naibaly huni maidym ai dei lawm pa-rei deng iy, khumi mipuichi i khaileaungra y hei.

2 NENG SATANG 33:15

Ni ly cheng takhra khumichi i tameuhchi hawi my i khai nai mynchi ai Achura yhm i dengdairei py, mynchi teng y apathyp nai maichamchi ai Achura yhm awm nai mawi hawi Jerusalem mary meingtymchi dengdairei py, taphra pawn nai ne. Samrang ly huni bawibawichi ai mary angam mang y patheu pawn bo.

2 NENG SATANG 33:4

Mymy ai chiu jojo ai nai meingtym napi nai Areng my thui nai Achura yhm theung y, mynchi teng y apathyp ai nai maichamchi sa u.

2 NENG SATANG 6:5

‘Nichi ai Aikupta pri i kapahawi nai neng dengdai vaini khrairei, kai ly mani Israela marychi ai py, kai ai chiu nai meingtym palawn ai nai vawi takhra y leang. Mani khumi ai py kai i khumi Israela chengchi ai lu sa ai nai vawi takhra y leang.

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

2 NENG SATANG 7:16

Ati mana nai mo na baly kai ly hini Achura yhm ai vawi takhra iy, kai ai deungtasarei chiu nai meingtym palawn nai khai takhra bo. Kai ly hini meingtym y typ iy deungtasarei kry ai.

SAM 78:68

Nichi ai vawi takhra ai nai tleaung y ly Juda cheng theaungchi hawi, mymy khri pa-rei tamen nai Zion mawi ai vawi takhra nai ne.

THEU NAI 20:4

“Kani khusangra i heng nai amjy, khaileaung salo i heng nai amjy, khaileaung anui tui theung i heng nai amjychi ka-tawm mynchi ly nangmychi i vui so u moh.

JEREMIA 7:30

“Juda khumichi ly hawi y nai sa u bo. Nichi ly kai i niu ngai y nai mynchi hawi, kai i Achura yhm theung y chai hai y bo.

TARA CHIH NAI KEUNGCHI 17:3

Ni ly huni tangka ai amhm teng y pei ali teang bo. Huna nai khala amhm my ni teng y, “Deang awi, amsawi lawi y ai nai kaimy huni tangka ly Areng teng y talam ai; tangka hawi mawm nai dengkeaung myn harei sa naira y, huni tangka teaung ai i, nang ai kang pei teang ai,” napi.