2 NENG SATANG 33:6 - Khumi Common Language Bible

⁶ Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.

2 NENG SATANG 33:6 ပူးပေါင်းရင်းမြစ်များ

1 ARENG KEH 16:33

Huni khyh chang y rai, ni ly Aserah tameuhnu ai chiu ai nai leungcheng py pado; ni ny y rai khala i Israela samrang bawibawichi tleaung y malawn py, Israela chengchi i Areng Tameuh ai kado theu hai bo.

2 ARENG KEH 17:17

Nichi ly mychi i cho chanauchi ai mynchi teng y apathyp u. Nichi ly vawinam pakun kawp naichi, leung kawp naichi teng y deng u iy, Areng i mo y hawi y nai kalopchi naini sa u nai deaungkho y, mymy ai kado patheu u nai ne.

2 ARENG KEH 21:6

Ni ly my i chapo ai py leng patlum nai katalamra palawn iy apathyp nai ne. Dawi kawp naichi hawi mo mang i satang thui kawp naichi amtiu iy, leung sarachi, vawinam pakun kawp naichi hawi amkawm. Ni ly Areng i tlang tleaung y khri pa-rei kamngo sa i, kado patheu nai ne.

2 ARENG KEH 23:10

Huni bo baly ami py Mole tameuh teng y cho chanauchi ai mai y leng patlum nai kapathypra talam pajau y ai nai, samrang Joseah ly hinnom leaunghawira i mynchi ai chiu nai Topheth napi nai meingtym ai py, chai nem hai y bo.

2 ARENG KEH 23:24

Samrang Joseah ly Achura yhm theung y pathyp pi nai keung kalen keh Hilikiah my niu nai, leu maikawm cha-iu theung y tajiu nai kamta, sa u patawm ai nai Jerusalem mary hawi, Juda pri verei y awm nai vawinam pakun kawp naichi, leung sarachi, yhm typ nai mynchi, mynchi hawi chiu naira y teaung nai vawnsaichi taphra pawn nai ne.

1 NENG SATANG 10:13

Samrang Sawla dei nai ly Areng i tlang tleaung y ka-ym by y nai deaungkho y ne. Ni ly Areng i leu tangai y.

2 NENG SATANG 28:3

Hinnom leaunghawira y mui katuichi leng patlum bo. Ni ly Israela chengchi tavai amsa u nai khala, Areng my patheu nai khumichi i, amso ngai hawi nai reitachi kamta sa iy, my i chapochi ai malawn py leng patlum nai kapathypra palawn nai, mynchi teng y talam.

ISAIA 19:3

Kai ly Aikupta chengchi i dawn pasym naichi phra hai iy, nichi i paleung ka-dawn py phra hai ai. Nichi ly mychi i chiu nai mynchi teng y, kasabawmra hnei u ai. Vawinam pakun kawp naichi teng y chei iy leu deng ai i, khumi kadeichi i phailochi teng y katau hnei u ai.

ISAIA 8:19

Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

Ezekiela 23:37

Nini ly kamleaung sa nai, khumi ai padei nai, mynchi ai juvo palawn iy kai hawi nga nai chanauchi ai padei bo. Nini ly kai i chanauchi ai mynchi teng y apathyp hawi nai ne.

Ezekiela 23:39

Kai i cho chanauchi ai mynchi teng y apathyp nai kani y my, kai i Achura yhm y jeu iy chai y naichi sa hawi lawh!

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 19:26

“Thi abawi nai mawi ly cho u moh. Leung hawi atamchi amtiu u moh.

Levi 19:31

“Kadeichi i phailochi hawi leu arum nai khumichi teng y tau hnei moh. Huna nai sa lawh baly nangchi ly reita leaungsai y amso ngai nai lawm u ai. Kai ly nangchi i Areng Tameuh ne.

Levi 20:2

Israela khumichi teng y amti pi ai nai leu pei nai ly “Nangchi theung i mo, ti y baly nangchi theung y awm nai cheng takhrachi theung i mo, leaung leaungrei my mymy i cho chanau ai Mole tameuh teng y leng patlum ai nai talam lawh baly, cheng vereichi my ni ai lengseaung hawi aphi ka ai nai tla.

Levi 20:27

“Khumi kadeichi i phailo hawi leu arum nai neampacho ai py, neampachy ai py, lengseaung hawi aphi ka ai nai tla; ni ly dei ai ataing nai kamngo sa nai ne,” napi.

Levi 20:6

“Kadeichi i phailo hawi leu arum nai khumichi teng y tau hnei nai khumi ai, kai ly meimai hi vui iy kai i khumichi theung i nai nyn va vui ai.

KALATIA 5:20

angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngaingai sa naichi, ym takhra naichi, akeng naichi,

Leu Thui Nai 12:31

Nichi i tameuhchi ai chiu nai leaungsaichi amtiu u moh. Huni khumichi ly mychi i tameuhchi ai chiu naira y Areng i niu ngai y nai amso ngai naichi sa nai deaungkho y, nangchi i Areng Tameuh ai chiu nai khala nichi i kamta chiu u moh. Huni khumichi ly mymychi i cho chanauchi ai malawn py, maicham tleaung y leng patlum u nai ne.

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.