2 NENG SATANG 33:3 - Khumi Common Language Bible

³ Mymy i ampo Hezekia my taphra pawn nai myn chiu naira meingtymchi sa palum teang nai ne. Bala tameuh teng y apathyp ai nai maichamchi sa iy, Israela samrang Ahab kamta, tameuhnu Asherah i tamkhawnchi pado nai hawi ka-sichi ai py chiu bo.

2 NENG SATANG 33:3 ပူးပေါင်းရင်းမြစ်များ

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

2 ARENG KEH 18:4

Ni ly myn chiu nai meingtymchi taphra iy, leungcheng leng naichi pakhau phro i, Aser tameuh nu teng y talam nai tamkhawnchi py taphra nai ne. Mosi i sa nai kheupaja pavui myn py, taphra piupa vui bo. Huni pavui myn ly Nehutan, nanai amyn pathi iy, Israela chengchi ly huni neng tym nai khrairei, huni pavui myn teng y rimuichi patawi iy talam u nai ne.

2 ARENG KEH 21:3

Ni ly my i ampo Hezekia my taphra pawn nai myn y chiu nai meingtymchi sa palum teang. Bala tameuh teng y talam nai maichamchi sa iy Israela samrang Ahaz kamta, Aser tameuh nu i tamkhawn pado. Manase ly ka-sichi ai py chiu.

2 ARENG KEH 23:11

Ni ly kanito ai chiu ai nai Juda samrangchi my talam nai keaungngochi py la pi pawn iy, chiu naira y teaung nai ka-richi py, mai leng vui bo. (Hini ly tahm asang nai miteaung keh Nathan Meleh yhm sahawi i, Achura yhm apai pa-khora khai nai ne.)

2 ARENG KEH 23:4

Naibaly Joseah ly pathyp pi nai keung kalen keh Helkia, my i bangtang pathyp pi nai keungchi hawi, Achura yhm katheu pa-kho tym nai tamcheaungchi teng y, bala tameuh, Aser tameuh nu hawi ka-sichi ai chiu naira y teaung nai ateaung alangchi ai Achura yhm theung i nai patheu pawn ai nai leu pei bo. Samrang ly huni ateaung alang bawibawichi ai, mary angam mang i Kidron leaunghawi sahawi y mai hawi leng iy, maidymchi ly Bethela mary y syn hai bo.

2 NENG SATANG 28:24

Huni bo y Ahazi ly Achura yhm i ateaung alang ngiereichi la iy, taphra piupa nai ne. Achura yhm katheuchi py khotyp pawn iy, Jerusalem mary meingtym tleirei y maichamchi sa.

2 NENG SATANG 30:14

Nichi ly Jerusalem mary i kapathyprachi talam nai hawi mui katui leng patlum nai maicham ngiereichi la achu iy, Kidron leaunghawi theung y aphi u nai ne.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

2 NENG SATANG 32:12

Areng ai chiu nai meingtymchi hawi maichamchi taphra iy, Juda khumichi hawi Jerusalem mary i khumichi ai, maicham hareira y mui katui leng patlum iy, chiu u ai nai thui pi nai keung ly Hezekia ne.

2 NENG SATANG 33:15

Ni ly cheng takhra khumichi i tameuhchi hawi my i khai nai mynchi ai Achura yhm i dengdairei py, mynchi teng y apathyp nai maichamchi ai Achura yhm awm nai mawi hawi Jerusalem mary meingtymchi dengdairei py, taphra pawn nai ne. Samrang ly huni bawibawichi ai mary angam mang y patheu pawn bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 34:25

Nichi ly kai ai khai su iy, tameuh takhrachi teng y apathyp u bo. Hunai deaungkho y nichi ly mymychi i sa nai atitichi molam y, kai ai kado theu hai ra bo. Kai ly Jerusalem mary ai kado theu hai bo i, huni kado theu nai ly rym ai ny y.

THEU NAI 34:13

Nangchi ly nichi i maichamchi panawi pawn ai nai tla; nichi i tameuh leungchengchi taphra ai nai tla; nichi i tameuh nu Aser i mynchi py, paliu pawn ai nai tla.

Parip nai leu 2:19

Kai i yhmtheaung kamtym khumi ly khumi kacheng mo, khumi ka-khum mo, nanai ami py pany pajau y. Na i py ni ly kai atho kasa ra i kanga naichi, hini khaileaung pri y kaimy cheng naira hawi kanga nai yhmtheaung katuichi amtym be ai. Hunichi bawibawi py atyhtyh teu.

Parip nai leu 9:18

Tau cheng naira ly tavai ateaung tleaung y hawi keh; na i py kamngo sa nai khumi leaungrei ly hawi naira ai takhra hai pajau nai ne.

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

JEREMIA 19:13

Jerusalem mary y awm nai yhmchi hawi Juda samrang hawi samrang i yhmchi, mychi i yhm amphu salo y ka-si taukichi ai mui katui leng patlum nai yhmchi hawi, tameuh takhrachi ai kreip hang leih iy talam nai yhm ngiereichi ly Topheth mary kamta chai y nai meingtymchi lawm ai,” napi.

JEREMIA 7:30

“Juda khumichi ly hawi y nai sa u bo. Nichi ly kai i niu ngai y nai mynchi hawi, kai i Achura yhm theung y chai hai y bo.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

AMTAW 7:42

Hunaibaly Tameuh my hi pi vui i kani mang i ka-sichi ai chiu thai ai nai mymychi ai khen pi joja veng bo; amochi i cha-iu y, ‘Israela chengchi awi, daichi ka-vym y saneng vui palyhrei sala y tleh nai mawi hawi, apathyp naira hawi kai ai talam a?

Leu Thui Nai 16:21

“Nangchi i Areng Tameuh i vui maicham sa u nai khala, maicham sahawi y tameuh nu Aserah i dengkeaung leungcheng leng moh.

Leu Thui Nai 17:3

tameuh takhrachi hawi kani, lo, ka-sichi ai chiu u nai deaungkho y Areng i leu pei naichi py ei vui, nanai satang thai u.

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.