2 NENG SATANG 33:13 - Khumi Common Language Bible

¹³ Tameuh my Manase i chiu sa nai tangai pi i, ni ai Jerusalem mary y vawi ali teang ai nai pei iy, peang ai nai pei. Huna khala naini Areng ly Tameuh ne, nanai Manase hawihai palai pany bo.

2 NENG SATANG 33:13 ပူးပေါင်းရင်းမြစ်များ

ATITI AWM ANGCHEI NAI 25:21

Rebeka ly deaungdi so y nai deaungkho y Isaka my Areng teng y chiu sa. Areng my chiu sa nai pathang pi i, Rebeka ly deaungdi aniu bo.

1 ARENG KEH 18:39

Hina naichi niu nai khala y khumichi ly khaileaung y atlym u i, “Areng ly Tameuh ne; Areng leaungrei naini Tameuh tatang ne!” nanai aeu u bo.

1 ARENG KEH 8:50

Nang i tlang tleaung y nichi my sa tamang nai kamngo bawibawichi ai pahen pi kyh ba. Paleung ka-echi ly nichi ai pahen pi na sy.

2 ARENG KEH 13:4

Huna nai khala Jehoaha ly Areng teng y chiu sa. Areng my py, Suria samrang my Israela chengchi ai manatanrei ana pumpi na mo, nanai niu nai deaungkho y, Jehoaha i chiu sa nai pathang pi.

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

2 NENG SATANG 12:7

Areng my huna naichi niu nai khala, Shemaiah teng y thui pi bi nai ly “Nichi ly mymychi i kamngo apany u nai deaungkho y, kai ly nichi ai taphra ai ny y. Na i py Shisha my tiu nai molam y nichi ly dei y naimy tleaungrum heng u ai. Jerusalem mary py kai i kado theu nai angym pa-rei avum u ai ny y.

2 NENG SATANG 33:18

Manase i sa nai takhra leaungsai ngiereichi py, Tameuh teng y chiu sa hnei takeng nai hawi Israela chengchi i Areng Tameuh i amyn y amochi my ni teng y thui pi nai leuchi py, Israela samrangchi i cha-iu theung y tajiu pi typ nai ne.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

EZARA 7:27

Ezara my, “Achi i amsi pajochi i Areng Tameuh ai ly palo u! Mymy ly empara samrang teng y Jerusalem mary y awm nai Areng Tameuh i Achura yhm ai, hina nai tahm khai ai nai paleung pei pi lawh bo.

EZARA 8:23

Hunai deaungkho y Tameuh my ang kry ai nai i vui y biu hai naimy, mymy teng y chiu sa ai nai avo; mymy ly achi i chiu sa nai ang tangai pi nai ne.

JOBA 22:22

Mymy i parip nai leu tangai ly leu pei nai ai paleung theung y dawn cheng ba.

JOBA 22:23

Nang ly paleung apanem naimy Tameuh teng y ahihawi ali teang iy, nangmy yhm dengtheung i hawi y nai ngierei ai pachai nai tla.

JOBA 22:27

Mymy ly nang i chiu sa nai khala, ang tangai pi ai. Nang ly mymy i adeu yb nai kamta, ka-ymra lawm pajau ai.

JOBA 36:11

Nichi ly leu tangai iy Tameuh i kalop sa u lawh teu baly, heng nai sala ryrei nang chawn iy, tlamsa naimy awm u nai ne.

JOBA 36:9

Tameuh ly nichi i kamngochi hawi, amlyh am-e nai pany hai bo.

SAM 107:13

Nichi ly patang naira avum u nai deaungkho y, Areng ai palau u i, mymy ly nichi ai patangra i nai atleu bo.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

LEU KACHENG 16:7

Areng my kawn hai ai nai asa nai khumi ly my i paleung ka-e ai malawn py, ahawi ka-dawi lawm hai pajau ai.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 36:7

Areng ly hini khumichi ai kaso tahyn theu ai hawi nanai kado theu naira hawi pajei pahyn nai deaungkho y, khumichi ly mychi i hawi y nairachi khai su iy, Areng teng y chiu sa u tan chiu sa u lym ai,” nanai leu pei bo.

TANGAM NAI LEU 3:56

Huna nai kaau nai raawi tangai ai nai, kai i takeng nai khala nang ly thai.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

DANIELA 4:36

“Kai ly khumi i paleung nga ali teang nai khala y, kaimy i pri phum-ang py, kaimy i nang parai nai hawi phum-ang py, nga ali teang nai ne. Kai i tau pei nai miteaung kehchi hawi bangtangchi py, kai ai kawn u ali teang bo. Vaichi khala i tleaung y tahm awm ai nai hawi samrang i sa thai naira py, ang pei ali teang nai ne.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

Leu Thui Nai 29:6

Nangchi teng y cha ai nai teicha teinei, nangchi nei ai nai kreip hang hawi pavui nai amjychi py by y, na i py Areng ly nangchi i Tameuh ne, nanai pany hai ai nai nangchi ngai nai ryrei ang pei.

HEBRAI 8:11

Naibaly khumi leaung leaungrei mymy i saleaungchi hawi Amymy i amjo amnau teng y, ‘Areng ai pany’ nanai patiu y ai, Nichi bawibawi ly, theang keh nai i dengdairei len Keh nai tym pa-rei kai ai pany bawibawi ai: