2 NENG SATANG 32:29 - Khumi Common Language Bible

²⁹ Areng ly ni ai hunichi bo y si, beramchi hawi takhra yhmtheaung katui neangneangchi py pei pi nai deaungkho y, ni ly mary neangneangchi palum bo.

2 NENG SATANG 32:29 ပူးပေါင်းရင်းမြစ်များ

1 NENG SATANG 29:12

Nang chawn nai hawi yhmtheaung katui nang nai ngiereichi ai, nangmy pei nai ne. Nang ly ati cheaungkhangchi ai sa thai naira haiho hawi peang iy, amimi ai py tahm pasang pi bo.

1 NENG SATANG 29:28

Ni ly khri pa-rei yhmtheaung katui nang chawn iy, khumichi my tahm khai i, khri pa-rei miteaung acheang nai khala dei nai ne.

2 NENG SATANG 17:5

Areng ly Jehoshapha peang nai khaw hai bo. Khumi mipuichi ly ni teng y langseaungchi syn pi. Hunai deaungkho y samrang ly nang chawn i, tahm asang bo.

2 NENG SATANG 25:9

Huna nai khala Amazia my amo teng y, “Huni khumichi teng y pei nai tangka ly jawm sum ai bo a?,” nanai deng. Amo my, “Areng my huni tangka tleaung y nawi nai ang pei ai mang!” napi.

2 NENG SATANG 26:10

Samrang ly nidym mang mawi kheutangra awm nai mawi tangbiuchi hawi, angdymchira y si kanghuchi khawn nai deaungkho y, daichi ka-vymra i marychi ai angdeangrachi hawi vanrei apai tapang iy, tuikan neangneang tai u. Samrang ly li hlau sa ai nai paleung apei nai deaungkho y, mawi aheungchira y kreip akho sa naichi hawi khaileaung kahawichira y li, hlau sa naichi ai atho pei nai ne.

2 NENG SATANG 32:28

Choh, kreip hang hawi olive asituichi khai ai nai yhmchi, my i si, painochi khai ai nai sireungchi, beramchi i vui haichi py sa nai ne.

JOBA 1:3

Ni ly beram sang saryhrei, kula-iu sang thomrei, si paino sangrei hawi keaungngo kano kasau chungvai pangrei py nang nai ne. Miseaung neangneang py awm i, ni ly nisi pri verei y nangkeh nai khumi ne.

JOBA 1:9

Setan my, “Joba ly ati sai py ngo y lawh teu baly, nang ai jei kaji naimy tahm khai na a?

JOBA 42:12

Areng ly Joba i heng nai deung, angchei i neng khala amtheaung hai nai tleaung y, pa-nyh i neng khala amtheaung hai keh. Joba ly beram 14,000, kula-iu 6,000, si paino 2,000, keaungngo kano kasau 1,000 rei nang nai ne.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

1 SAMUELA 2:7

Mymy ly khumi phyreichi ai nang hai iy, phyreichi ai mawn hai; phyreichi ai panem iy, phyreichi ai ly pasang bo.