2 NENG SATANG 32:21 - Khumi Common Language Bible

²¹ Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

2 NENG SATANG 32:21 ပူးပေါင်းရင်းမြစ်များ

2 SAMUELA 24:16

Areng i kani pri amtaw thau my Jerusalem mary ai taphra ai nai thym khala, Areng ly khumichi ai pajeng nai molam y paleung amtlau teang i, kani pri amtaw thau teng y, “Angym bo! anawn jau!” napi. Huni neng khala kani pri amtaw thau ly Jebusi cheng Araunah i choh ati nai meingtym sahawi y angdo nai ne.

2 ARENG KEH 19:20

Naibaly samrang i chiu sa nai pathang pi nai deaungkho y, samrang Hezekia i vui Isaia dengdairei

2 NENG SATANG 32:20

Huna nai khala y samrang Hezekia hawi Amoz i chapo amo Isaia nini ly kasabawmra nga ai nai Tameuh teng y aeu naimy chiu sa hawi bo.

2 NENG SATANG 32:22

Hina nai kamta Areng ly samrang Hezekia hawi Jerusalem mary i khumichi ai Asuria empara samrang Senakheri kiu i nai py, takhra paleung ka-echi kiu i nai py atleu iy, tengpang sahawi i prichi hawi aly naira pei bo.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

SAM 132:18

Ni i paleung ka-echi ai kangji nga hai ai; ni i pri ly nang chawn iy sareaung hawi ai,” napi.

SAM 18:50

Tameuh ly mymy i khai pi nai samrang ai eaung hai; mymy i khai takhra pi nai Davida i dengdairei, ni i kangpreangchi teng y khaw parai nai tamen naira deungtasarei patei pi bo.

SAM 44:15

Paleung ka-echi hawi vawitheung tha nai khumichi i,

SAM 76:12

Mymy ly paleung len, amlyh am-e nai samrang i cho chanauchi i paleung panem vui iy, nang parai nai samrangchi ai jei hyn hai ai.

SAM 76:5

Paleung ka-echi i ham parai nai tavaimichi ly mychi teng y awm nai vawnsai ateaungchi chau i, vai ly dei u pawn bo; nichi i atho hawi kawp nai saichi py atyhtyh teu bo.

SAM 76:6

Aw Jakob i Tameuh, nangmy pajei pahyn nai khala y, keaungngochi hawi keaungngo risachi ly atlym i dei u be bo.

SAM 76:7

Na i py aw Areng, nang ai khumi bawibawichi ly jei u nai ne; Nang kado theu nai khala y ami py nang i mo y angdo vam y nai ne.

LEU KACHENG 11:2

Amlyh am-e nai khumichi ly kra y naimy tahm anem u ai; paleung apanem nai khumichi ly cheng nai khumichi ne.

LEU KACHENG 16:18

Amlyh am-e parai nai ly phra naira mang py, paleung len naira ly atlym naira mang py, pahawi nai ne.

ISAIA 10:8

Ni ly amlyh naimy, “Kai i tavailu areng ngiereichi ly samrangchi ne na a!

ISAIA 14:25

Kai ly kaimy i Israela pri theung i Asuria chengchi ai tamyh pawn iy, kai i mawi aheungchi salo y nichi ai chiu piupa ai. Kai i khumichi ai Asuria chengchi pho hai nai myn kaji hawi kamtang myn kajichi ra i nai lawi hai ai.

ISAIA 36:9

Nangchi ly sa thai naira theang keh nai Asuria tavailu arengchy ai malawn py, tiu u pajau y leang. Na i py Aikupta chengchi teng i nai tavai ka-ri hawi keaungngo atang nai risa kasabawmrachi kadeaung u lawh.

ISAIA 37:21

Naibaly Areng ly samrang i chiu sa nai pathang pi bo, nanai Isaia my samrang teng y pei nai satangra y,

ISAIA 42:8

“Kai leaungrei naini, nang i Areng Tameuh ne. Kai i nang parai nai ai ly mani tameuh py amtym ai ny y. Kai ly kaimy ai mynchi hawi vanrei palo ai nai py, kapei ai ny y.

JEREMIA 21:2

“Babulon samrang Nebukhadnezar hawi ni i tavaimichi ly mary tiu ai nai katanmeuh lawh bo i, Areng teng y kaichi i vui ahui pi kyh ba. Areng ly kaichi i vui rengrang ka-ma-ra sa pi baly, Nebukhadnezar ai anaw tan anaw hai lym ai,” nanai takeng.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.