2 NENG SATANG 32:1 - Khumi Common Language Bible

¹ Hina nai bo y samrang Hezekia ly ka-ym awm naimy Areng i kangai sa nai bo y, Asuria empara samrang Senakheri ly Juda pri y tiu ai nai kun bo. Ni ly khaw parai nai marychi ai katanmeuh iy, mary apaichi taphra naimy kun ai nai mymy i tavaimi kamkawmchi ai leu pei nai ne.

2 NENG SATANG 32:1 ပူးပေါင်းရင်းမြစ်များ

2 ARENG KEH 15:19

Asuria empara samrang Tiklath Pilesa ly Israela pri theung y kun iy tavai tiu bo. Huna nai khala Menahem ly mymy i sa thai naira khaw jo ai nai molam y, tangka chang sie 552,50rei hawi meimai sa.

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

2 ARENG KEH 18:11

Asuria empara samrang ly Israela chengchi ai langheng hawi iy, phyreichi ai ly Halah maryra py, phyreichi ai ly Kozan ka-peang Habor tavo sahawira py, phyreichi ai ly Media pri i marychi ra py awm hai nai ne.

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

2 NENG SATANG 32:2

Senakheri ly Jerusalem mary ai py tiu ai nai dawn yb bo, nanai Hezekia pany nai khala y,

2 NENG SATANG 35:20

Samrang Josia ly Achura yhm i vui hina nai atitichi sa pajau nai thym khala y, Aikupta samrang Niko ly Euphrat tavo sahawi i Kakhemish mary y tiu ai nai jeu bo. Josia ly ni ai paka ai nai atho sa.

ISAIA 10:32

Paleung ka-echi ly vaini Noba mary y awm u bo. Nichi ly huni mary i dengdairei, Zion mawi hawi Jerusalem mary ai kiu pahyn u nai ne.

ISAIA 36:1

Juda samrang Hezekia my peang nai saneng holai palyhrei saneng y, Asuria empara samrang Senakheri ly Juda pri y awm nai amtangra marychi ai tiu vui nai ne.

ISAIA 37:37

Huna nai khala Asuria empara samrang Senakheri ly tavai athawn iy Ninevi mary y vawi u ali teang nai ne.

HOSEA 11:5

“Nichi ly kai teng y vawi u ali teang y nai deaungkho y, Aikupta pri mang y vawi u ai nai tla ai. Asuria samrang ly nichi ai peang ai.

MIKHA 2:13

Nichi ai pri palara i nai lawi teang ai nai, Tameuh kypkyp my lam patei pi ai. Nichi ly mary apai katheuchi taphra vui iy, tleaung u ai. Nichi i samrang, Areng mymy kypkyp ly nichi ai pahawi ai.