2 NENG SATANG 31:2 - Khumi Common Language Bible

² Samrang Hezekia ly pathyp pi nai keungchi hawi Levi theaung kamkawm sa palai teang iy, nichi leaung leaungrei i vui kalopchi phy pi patyp bo. Huni kalopchira y leng patlum nai kapathypra hawi amkawm teang nai kapathyprachi talam nai, Achura yhm theung y chiu sa naira abawi nai, Achura yhm meingtym tleirei y palo nai hawi kawn nai leu thui naichi abawi nai ne.

2 NENG SATANG 31:2 ပူးပေါင်းရင်းမြစ်များ

1 NENG SATANG 16:37

Samrang Davida ly Asap hawi my i ahawi Levi theaungchi ai Leu Maikawm Pawm awm nai meingtym ra y, chiu sa nai molam y kalop pei nai ne. Nichi ly kani tleirei mymychi i kalopchi sa u.

1 NENG SATANG 24:1

Aron i kangpreangchi theung i kamkawmchi ly anui ichi ne. Aron ly Nadab, Abihu, Eleaza hawi Ithama napi nai chapo leaung palyhrei awm.

1 NENG SATANG 24:24

Mikha dengdai Uzia i kangpreang Shamir;

1 NENG SATANG 26:26

Shelomith hawi ni i yhm dengtheungchi ly Tameuh teng y, samrang Davida, yhm dengtheung luchi, nupaichi ai lu sa naichi hawi tavai luchi my talam nai katalamra vawnsaichi kry ai tla nai ne.

2 NENG SATANG 23:8

Levi theaungchi hawi Juda mipui bawibawichi ly Jehojada i leu tangai u bo. Anawn kani y nichi ly mychi i kalop sa nai anawn i py, yhm mang y vawi ai nai ngo y. Hunai deaungkho y kalop pacheang nai keungchi ly kalop tla naichi hawi kalop anawn naichi ai palau iy kalop pataw pajau nai ne.

2 NENG SATANG 24:14

Nichi ly sa palum teang nai kalop pajau nai khala, samrang hawi Jehojada nini ly palai nai muku hawi tangkachi ai Achura yhm i vui khauchi hawi takhra ateaung alangchi sa naira y pasum nai ne. Jehojada heng nai ryrei ly Achura yhm y kapathyprachi talam jojo nai ne.

2 NENG SATANG 31:17

Pathyp pi nai keungchi ly mymychi nupai ka-thui kalopchi sa u iy, saneng apomrei hawi leng awm nai Levi theaungchi ly kalop kamkawmchi ka-thui sa u nai ne.

2 NENG SATANG 35:2

Samrang ly pathyp pi nai keungchi ai Achura yhm theung y sa ai nai kalopchi pasym pi iy, hunichi sa angym ai nai atho pei.

2 NENG SATANG 5:11

Pathyp pi nai keung bawibawichi ly mani kamkawm theung y abawi i py ne sy, mymychi ai aau chum naichi ne. Levi theaung katyn kapau beu kawp naichi napi nai Asap, Heman, Jeduthun hawi nichi nithun abang naichi ly ateaung kangleung amthyp iy, sa-rachi, tarochi syn naimy, baw eng nai pathyp pi nai keung leaung 120 reichi ly nichi hawi vanrei, maicham nisi mang y angdo u bo. Khulym thui nai khumichi ly baw katyn, sa-ra katyn hawi takhra katyn kapau katynchi hawi raawi kamlym, Areng ai palo nai khulym thui u nai ne. Nichi my, “Areng ly hawi nai deaungkho y palo u, mymy i tamen naira ly deungtasarei ne,” nanai thui u bo. Pathyp pi nai keungchi Achura yhm i dengdairei theu u nai khala, Achura yhm ly vaimy tamai kawi miu na i, Areng i phum-ang angvang nai deaungkho y, nichi i chiu sa achu nai ly anawn na veng bo.

2 NENG SATANG 8:14

Ampo Davida my sa pi yb nai reita kamta, samrang ly pathyp pi nai keungchi kani tleirei sa ai nai kalopchi py, Pathyp pi nai keungchi i kalop sa naira y sabawm iy khulym thui u nai Levi theaungchi i kalopchi py, pasym pi yb bo. Tameuh i miseaung Davida my leu pei nai kamta, Achura yhm typ nai tamcheaung risachi py, kani tleirei sa ai nai kalopchi kamkawm phy pi bo.

EZARA 6:18

Nichi ly Mosi i reita cha-iu theung y leu pei nai kamta, Jerusalem mary Achura yhm i kalop sa ai nai vui y, pathyp pi nai keungchi hawi Levi theaungchi ai ka-thui ka-thui kalop paji pi bo.

NEHEMIA 11:17

Zabdi i katu, Mika i chapo Mattniah, ni ly Asap i kangpreang ne. Ni ly kawn nai leu thui nai chiu sa achu khala khulym thui nai, Achura yhm khulym kamkawm ai lu sa nai keung ne. Mattniah i bangtang ly Bakabukiah ne. Kalala i katu, Shammua i chapo Abda, ni ly Jeduthun i kangpreang ne.

SAM 134:1

Mymy i miseaung, Achura yhm theung y vum aneng kalop sa nai bawibawichi awi, Areng ai palo u.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

LUKA 1:5

Judai pri i samrang Heroda awm khala y Abija i kamkawm theung i pathyp pi nai keung leaungrei awm, amyn ly Zakaria ne; ni my ly Aron i kangpreangchi theung i nai aju la bo, amyn ly Elizabet ne.

LUKA 1:8

Naibaly hina nai ne, ni ly mymy i kamkawmchi i ka-thui sa nai kamta Tameuh i mo y pathyp pi nai keung i kalop amsi nai thym khala y ly,