2 NENG SATANG 30:8 - Khumi Common Language Bible

⁸ Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

2 NENG SATANG 30:8 ပူးပေါင်းရင်းမြစ်များ

2 ARENG KEH 23:26

Na i py samrang Manase i sa tamang nai molam y, Areng ly Juda pri tlang tleaung y khrikhri pa-rei kado theu i, vai khrairei kado theu nai rym y nai ne.

1 NENG SATANG 29:24

Miteaung kehchi hawi sorai risa bawibawichi hawi Davida i takhra chapochi ly samrang Solomon i tlang tleaung y, ka-ym awm ai, nanai adeu u bo.

2 NENG SATANG 28:11

Kai i leu tangai u! Hini langheng hawi naichi ly achi i amjo amnauchi ne. Nichi ai patleaung u teang. Ti y baly Tameuh ly kado theu iy nangchi ai pajeng ai,” napi.

2 NENG SATANG 28:13

Nichi my, “Nangchi i langheng hawi nai khumichi ai hini mary theung y pakun u moh! Achi ai kado theu iy pajeng hai ai nai pa-rei, Areng i tlang tleaung y achi sa tamang u bo. Vai nangchi ly kaichi kamngo sa tleaung sa ra ai nai ngai hai u lawh bo,” napi u.

2 NENG SATANG 29:10

“Kado katheu rym ai nai vai, kai ly Israela chengchi i Areng Tameuh hawi Leu Maikawm asa ai nai kadawn bo.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

2 NENG SATANG 6:5

‘Nichi ai Aikupta pri i kapahawi nai neng dengdai vaini khrairei, kai ly mani Israela marychi ai py, kai ai chiu nai meingtym palawn ai nai vawi takhra y leang. Mani khumi ai py kai i khumi Israela chengchi ai lu sa ai nai vawi takhra y leang.

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

2 NENG SATANG 7:16

Ati mana nai mo na baly kai ly hini Achura yhm ai vawi takhra iy, kai ai deungtasarei chiu nai meingtym palawn nai khai takhra bo. Kai ly hini meingtym y typ iy deungtasarei kry ai.

EZARA 10:14

Huna nai y kaichi ai peang nai keungchi ly Jerusalem mary y awm iy, hini kalopchi so u sy. Naibaly kaichi i mary hawi avang theung y cheng takhra neampachychi hawi apom nai khumichi ly mymychi i mary hawi avang i miteaung kehchi, tara chih nai keungchi hawi vanrei adeu yb nai neng khala tym u iy, hini molam y Tameuh i kado theu naira rym ai nai so pi sy,” napi u.

EZARA 10:19

Nichi ly mymychi i ajuchi hawi akhai ai, nanai leu adeu u chum baly, mymychi i kamngo lawira nga ai nai beram katai harei hawi apathyp u bo.

SAM 63:2

Meingtym kachaira y nang ai niu ai nai, kai ai pei kyh ba; nang i sa thai naira hawi phum-ang niu ai nai pei kyh ba.

SAM 68:24

Aw Tameuh, nang i tavai eaung ai nai amsa nai kai i Tameuh ly kachai meingtym mang y kun nai khumi bawibawichi my niu u nai ne.

SAM 68:31

Aikupta pri i savaichi ly nang teng y ang jeu u ai; Ethiopia pri khumichi ly kiu pheu iy, Tameuh teng y chiu sa hnei takeng u ai.

SAM 73:17

Kai ly nang i Achura yhm theung y tym khala naini, khumi hawi y naichi ati mana tem u ai mo, nanai kapany vau ai.

SAM 78:49

Mymy ly nichi i tlang tleaung y khri pa-rei kado theu bo; kado theu nai ly dei areng i savaichi kamta, nichi ai pajeng nai ne.

THEU NAI 32:9

Areng my, “Hini khumichi ly khri pa-rei paleung tang, nanai kai pany.

JEREMIA 50:15

Mary tengpang sahawi y tavai atiu nai katynchi aeu u! Vai Babulon mary ly kasum apei veng bo. Mary apaichi ly anawi seaungkhrang veng bo. Kai ly Babulon chengchi ai vawitheung katha nai ne i, nangchi ly nichi i tlang tleaung y vawitheung tha u. Khumi takhrachi ai nichi my sa nai kamta, nichi ai py so u teang.

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

ROM AVANGCHI TENG Y PAWLA I CHA PA NAI 10:21

Na i py mymy ly Israelachi i molam y ly, Leu tangai y nai hawi aawi naichi teng y Kani khengrei kai kiu jaha na ly,” napi.

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

Leu Thui Nai 10:16

Hunai deaungkho y nangchi ly vai i ka-so Areng i leu pei naichi tangai u iy, nangchi i paleung tang naichi ly anawn u jau.

Leu Thui Nai 6:13

Nangchi i Areng Tameuh ai tahm khai u ly mymy ai phai chiu u; mymy i amyn y naini tau iy vaineng adeu u.

Leu Thui Nai 6:17

Mymy i nangchi teng y reita leu pei nai bawibawichi ai nangchi ly tangai iy hawihai patawm u.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

AMTENG HAI NAI 7:15

Hunai deaungkho y nichi ly Tameuh i areng atehra mo y awm u i, mymy i achura yhm kalen pui y vum kanithun mymy i kalop sa pi jojo: naibaly areng atehra tleaung y ateh nai keung ly nichi i salo y mymy i kanih yhm py jang ai.