2 NENG SATANG 30:18 - Khumi Common Language Bible

¹⁸ Ephraim, Manase, Isakhar hawi Zebulun theaung neangneangchi py, Reita leaungsaira thui nai kamta kachai so y naimy, Katlen Vui Nai Pawira abawi naichi ne. Huni khumichi i vui y samrang Hezekia my,

2 NENG SATANG 30:18 ပူးပေါင်းရင်းမြစ်များ

ATITI AWM ANGCHEI NAI 20:17

Abraham i aju Sarah molam y samrang Abimelek i yhm y awm nai neampachy bawibawichi ly deaungdi so y ai nai Areng my sa pi vui nai ne. Hunai deaungkho y Abimelek i vui Abraham my chiu sa pi i, ni ai Tameuh my no hawi hai bo. Mymy i aju py, mymy i miseaung neampachychi ai py, chanau sa ali teang ai nai no hawi sa pi bo.

ATITI AWM ANGCHEI NAI 20:7

Na i py vai ly neampachy ai juvo teng y tha pi ali teang. Mymy ly amo leaungrei ne i, nang i vui chiu so pi na mang; hunaibaly nang ly dei y ai. Na i py nangmy pei pi ali teang y baly nang i khumichi hawi nang ly dei takengkei ai, nanai kaimy leu kang pei,” napi.

2 ARENG KEH 5:18

Hunaibaly kai ly kaimy i samrang hawi vanrei, Suria tameuh Rimon achura yhm y chei iy chiu nai kamngo molam y, Areng ly kai i kamngo pahen ai nai athang khai. Areng ly kai i kamngo pahen pi takengkei ai!” napi.

2 NENG SATANG 30:11

Na i py Asha, Manase hawi Zebulun theaungchi theung i phyrei khumichi ly Jerusalem mary y jeu u bo.

2 NENG SATANG 30:25

Hunai deaungkho y Juda khumichi, pathyp pi nai keungchi, Levi theaungchi, tosyh mang dengdairei jeu nai khumichi, Israela pri hawi Juda pri theung y khuteng sa nai cheng takhra khumichi py amo theu u nai ne.

2 NENG SATANG 34:9

(Ephraim, Manase hawi takhra tosyh mang khumichi teng i py, Juda khumichi, Benjamin theaungchi hawi Jerusalem mary khumichi teng i py) Achura yhm katheu pa-kho typ nai Levi theaungchi my cheaung nai tangkachi ly pathyp pi nai keung kalen keh Hilikia teng y au pi u bo.

2 NENG SATANG 6:21

Kai i chiu sa naichi py, hini meingtym mang y motha iy nang i khumichi chiu sa nai py tangai pi kyh ba. Nang i awm nai kani pri mang dengdairei, kaichi i hnei takeng naichi tangai pi iy, kaichi i kamngochi pahen pi kyh ba.

SAM 119:68

Nang ly khri pa-rei hawi iy pahen na ly! kai ai reita leaungsai patiu pi kyh ba.

SAM 25:8

Areng ly neaung hawi nai deaungkho y, kamngo sa tamang nai khumichi ai, tako ai avo nai lam patei pi bo.

SAM 36:5

Aw Areng, nang i khaw parai nai tamen naira ly kani mang khrairei py, ka-ym awm nai ly tamai salo y khrairei py, tym na bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

DANIELA 9:19

Aw Areng, tangai pi kyh ba. Aw Areng, kaichi i kamngo pahen pi kyh ba. Aw Areng, kaichi i hnei takeng nai tangai iy, kawn pi kyh ba. Aw kaichi i Areng, paniu moh ba. Huna khala y nang ly Tameuh ne nanai khumi luteng my pany u ai. Hini mary hawi hini khumichi ai nangmy peang nai ne,” nanai chiu sa bo.

Levi 10:20

Mosi ly Aron i pathang nai leu thai baly paleung tuinem nai ne.

Kati Nai 19:20

Reita leaungsai y chai y nai khumi ly kachai sa nai tui hawi amymy ai katheng iy, kachai so y baly, chai y jojo ai. Huni khumi ly Areng i Tabynako ai chai hai y nai ne i, Tameuh i khumichi theung i nai nyn va vui ai.

Kati Nai 9:7

“Kaichi ly khumi tlaiveu nam lawh nai deaungkho y chai y bo; takhra khumichi kamta kaichi py, Areng teng y kapathypra talam ai nai ngo y ai bo a?” nanai deng u.

I KORINTH 11:28

Hunaibaly khumi ami py amymy ai acham amang sy, huna iy tako cho sy, khau py nei sy.

I JOHAN 5:16

Ami py amy i amjo amnau ai ly dei ai nai pa-rei ny y nai kamngo sa nai niu i khyly, hnei pi ai nai tla, hunaibaly dei ai nai pa-rei ny y nai kamngo sa nai keung i vui ly hengra ang nga hai ai. Dei ai nai pa-rei kamngo nai awm; huni molam y ly hnei pi ai nai tla kana nai ny y leang.