2 NENG SATANG 30:16 - Khumi Common Language Bible

¹⁶ Nichi ly Tameuh i khumi Mosi i Reita leu pei nai theung y thui pi nai kamta, Achura yhm theung y meingtym la u bo. Levi theaungchi my tawnbawichi i thi ly pathyp pi nai keungchi teng y talam pi iy, pathyp pi nai keungchi my huni thi ai maicham tleaung y katheng u nai ne.

2 NENG SATANG 30:16 ပူးပေါင်းရင်းမြစ်များ

2 ARENG KEH 11:14

Achura yhm katheu pa-kho ra i yhmmawm sahawi y, Juda samrangchi i sa reng nai reita kamta angdo nai samrang kangtha ai py, tavai luchi hawi baw eng nai khumichi ly samrang ai taki teungtareung iy, amo theu aeu naimy bawchi eng u nai py niu i, my i ateaung sei iy, “Ang tiu nai na ahi ly! ang tiu nai na a hi ly!,” nanai aeu bo.

1 NENG SATANG 23:14

Na i py Tameuh i khumi Mosi i chapochi ly Levi theaung amyn vuikanai theung y abawi nai ne.)

2 NENG SATANG 34:31

Ni ly samrang i leungcheng sahawi y angdo iy, “Kai ly nang i leu tangai ai. Nang i reita hawi leu pei naichi ai paleung hawi verei kry ai. Leu Maikawm cha-iu theung y tajiu nai kamta sa patawm ai,” nanai Areng hawi Leu Maikawm asa bo.

2 NENG SATANG 35:15

Asap nupaichi theung i katyn kapau beu kawp naichi napi nai Asap, Heman hawi samrang i amo Jeduthunchi ly samrang Davida my thui yb nai kamta, meingtym khai pi naira y awm u bo. Achura yhm tamcheaungchi ly mychi ai khai pi nai meingtymchi ra i nai theu u vui ai nai aly by y. Ati mana nai mo na baly nichi i vui takhra Levi theaungchi my, Katlen Vui nai dym biu sawn pi rym nai deaungkho y ne.

Levi 1:5

Ni ly huni meingtym y si katai tleh iy Aron i chapo pathyp pi nai keungchi my huni thi ai Areng teng y talam chum baly, Tabynako katheu pa-khora awm nai maicham makeng palyhreira y katheng prei ai nai tla.

Leu Thui Nai 33:1

Tameuh my vawi takhra nai Mosi ly mymy dei y rai khala, Israela khumichi teng y hina nai kamta, amtheaungra pei nai ne.

HEBRAI 11:28

Chanau chalu tama hai nai keung my ly nichi ai nam y ai nai, ym naira deaungkho y mymy ly katlen vui nai pawi hawi thi hei nai ly pateaung angchei bo.