2 NENG SATANG 30:15 - Khumi Common Language Bible

¹⁵ Naibaly nichi ly lo si kani holai palyhrei kani y Katlen Vui Nai apathyp ai nai i vui y beramchi tleh u. Reita leaungsaira awm nai kamta kachai aso y nai pathyp pi nai keungchi hawi Levi theaungchi ly khri pa-rei kangji nga u i, Areng teng y kachai sau teang nai deaungkho y, vai ly Achura yhm theung y leng patlum nai kapathyprachi talam u pajau nai ne.

2 NENG SATANG 30:15 ပူးပေါင်းရင်းမြစ်များ

2 NENG SATANG 29:15

Huni khumichi ly mychi Levi theaung tengtawi akachu hai iy, Reita leaungsai kamta kachai asa hai bo. Naibaly nichi ly samrang my leu pei nai kamta Areng i Reita y kachai sa hai nai ne.

2 NENG SATANG 29:32

Nichi ly si katai amai 70 rei, beram amai 100 rei hawi beram cho amai 200 reichi ai Areng teng y leng patlum nai kapathypra syn iy,

2 NENG SATANG 29:34

Hijirei tawnbawichi tleh ai nai pathyp pi nai keungchi aha leila y nai deaungkho y, amymychi ai kachai sa chum naichi, pathyp pi nai keungchi anga y nai ryrei ly kalop pajau pa-rei, Levi theaungchi my sabawm u nai ne. (Levi theaungchi ly pathyp pi nai keungchi tleaung y, Reita leaungsai kachai sa naira y hawihai palai sa nai ne.)

2 NENG SATANG 30:13

Khumichi ly pa-nyh lo tleaung y tako angbo abawi y nai pawi sa u ai nai Jerusalem mary y angym u bo.

2 NENG SATANG 30:24

Samrang Hezekia ly khumichi cha ai nai si katai amai 1,000 rei hawi beram amai 7,000 rei sabawm pi. Miteaung kehchi my py si katai amai 10,000 rei hawi beram amai 1,000 rei sabawm u nai ne. Pathyp pi nai keung neangneangchi py reita leaungsaira thui nai kamta, apachai u bo.

2 NENG SATANG 31:18

Huni khumi bawibawichi ly mymychi i vui khai pi nai kalopchi sa ai nai angveirym naichi ne i, aju chanauchi hawi vanrei takhra khumi ka-vangchi hawi amyn pakun bawi ai nai tla.

2 NENG SATANG 35:6

Nangchi ly Katlen Vui nai beramchi, mi-ichi tleh ai nai tla. Vai, nangmychi ai Reita leaungsai kamta kachai sa iy, Mosi dengdairei Areng i leu pei naichi teaung u patawm ai nai kapathyprachi angvei u rym,” napi.

2 NENG SATANG 5:11

Pathyp pi nai keung bawibawichi ly mani kamkawm theung y abawi i py ne sy, mymychi ai aau chum naichi ne. Levi theaung katyn kapau beu kawp naichi napi nai Asap, Heman, Jeduthun hawi nichi nithun abang naichi ly ateaung kangleung amthyp iy, sa-rachi, tarochi syn naimy, baw eng nai pathyp pi nai keung leaung 120 reichi ly nichi hawi vanrei, maicham nisi mang y angdo u bo. Khulym thui nai khumichi ly baw katyn, sa-ra katyn hawi takhra katyn kapau katynchi hawi raawi kamlym, Areng ai palo nai khulym thui u nai ne. Nichi my, “Areng ly hawi nai deaungkho y palo u, mymy i tamen naira ly deungtasarei ne,” nanai thui u bo. Pathyp pi nai keungchi Achura yhm i dengdairei theu u nai khala, Achura yhm ly vaimy tamai kawi miu na i, Areng i phum-ang angvang nai deaungkho y, nichi i chiu sa achu nai ly anawn na veng bo.

EZARA 6:20

Pathyp pi nai keung hawi Levi theaung bawibawichi ly mymychi apachai nai deaungkho y, reita leaungsai molam y chai u nai ne. Levi theaungchi ly mymychi i pri y vawi u teang nai khumichi, pathyp pi nai keungchi hawi mymychi kypkyp i vui py katlen vui nai tawnbawichi tleh u bo.

THEU NAI 19:10

Areng my Mosi teng y, “Khumi mipuichi teng y Areng ai chiu ai nai molam angveirym ai nai vaini hawi khawndam ly amymy ai apalum apachai ai nai thui pi. Nichi ly mymychi i ateaungchi pasiu iy,

THEU NAI 19:22

Kai sahawi y ahai nai pathyp pi nai keungchi malawn py, mymychi ai apalum apachai u ai nai tla, ti y baly kai ly nichi ai pajeng ai,” napi.

Kati Nai 9:11

lorei ajeng pi iy pa-nyh lo, kani holai palyhrei kani dym y Pawi sa pajau; ni ly beram mawi ai angbo abawi y nai tako, an kakhochi hawi cha iy Pawi sa naira abawi pajau nai ne.