2 NENG SATANG 30:14 - Khumi Common Language Bible

¹⁴ Nichi ly Jerusalem mary i kapathyprachi talam nai hawi mui katui leng patlum nai maicham ngiereichi la achu iy, Kidron leaunghawi theung y aphi u nai ne.

2 NENG SATANG 30:14 ပူးပေါင်းရင်းမြစ်များ

2 SAMUELA 15:23

Davida nithun abang naichi theu u nai khala y, mipuichi ly vo hang u. Samrang hawi abang nai khumi bawibawichi ly Kidron tavo angpeang iy daichi ka-vym mang y tako u bo.

2 ARENG KEH 18:22

Naibaly Asuria miteaung keh my thui pi bi nai ly “Nangmy, ‘kaichi ly kaimychi i Areng Tameuh ai a-ym,’ nanai thui ai a? Tahm asang nai meingtymchi hawi maichamchi ai Hezekia my taphra iy, Juda khumichi ai Jerusalem mary i maichamra y naini chiu u ai nai, leu pei nai ny y a?

2 NENG SATANG 15:16

Samrang Asa ly my i amsichy Maakath ai amhm samrangnu ra i nai pala vui bo. Ati mana nai mo na baly Maakath ly khaileaung hawi hai nai tameuhnu Asherah ai chiu ai nai molam, khen hawi y nai myn sa nai deaungkho y ne. Asa ly huni mynchi taphra piupa vui iy Kidron leaunghawi ra y mai veang hai bo.

2 NENG SATANG 28:24

Huni bo y Ahazi ly Achura yhm i ateaung alang ngiereichi la iy, taphra piupa nai ne. Achura yhm katheuchi py khotyp pawn iy, Jerusalem mary meingtym tleirei y maichamchi sa.

2 NENG SATANG 29:16

Pathyp pi nai keungchi ly kachai sa ai nai Achura yhm theung y kun iy, Reita leaungsai y, chai y nai ngiereichi ai apai theung i ly-um y patheu nai khala, hunichi ai Levi theaungchi my mary angam mang i Kidron leaunghawi mang y tawn u nai ne.

2 NENG SATANG 32:12

Areng ai chiu nai meingtymchi hawi maichamchi taphra iy, Juda khumichi hawi Jerusalem mary i khumichi ai, maicham hareira y mui katui leng patlum iy, chiu u ai nai thui pi nai keung ly Hezekia ne.

2 NENG SATANG 34:3

Josia ly samrang lyn nai khala saneng tajarei awm i, saneng khri pa-rei theang teu i py, mymy i amsi pajo samrang Davida i Tameuh ai chiu amteaung bo. Huni bo i saneng palyhrei khala y ni ly myn chiu nai meingtymchi, tameuhnu Asherah i tamkhawnchi hawi takhra myn ngiereichi ai taphra nai ne.

2 NENG SATANG 34:4

Ni i leu pei nai kamta Bala tameuh ai chiu nai maichamchi taphra pawn iy, tameuhnu Asherah mynchi hawi takhra mynchi py taphra piupa pawn chum baly, huni maichamchira apathyp nai khumichi i tapreaungchi salo y hei u phro bo.

2 NENG SATANG 34:7

Tosyh mang pri verei y maichamchi hawi tamkhawnchi taphra. Mynchi ai dei palawn piu iy mui katuichi leng patlum nai maichamchi py, pakhau piupa iy Jerusalem mary y vawi ali teang bo.

ISAIA 36:7

Naibaly Asuria tavailu areng my thui bi nai ly “Nangchi my, ‘Kaichi ly kaimychi i Areng Tameuh ai paleung pado,’ nanai kai teng y thui u ai a? Hezekia ly Areng ai chiu ai nai meingtymchi hawi maichamchi taphra iy, Juda khumichi hawi Jerusalem mary i khumichi ai, Jerusalem mary y awm nai maichamra y naini chiu u ai nai leu pei nai ne.

JOHAN 18:1

Isu ly huni leu thui pajau baly abangnaichi hawi theu iy Kidron tavo kan; hu y ly akho awm:mymy hawi abangnaichi py hunira y kun.