2 NENG SATANG 30:12 - Khumi Common Language Bible

¹² Samrang hawi miteaung kehchi i leu pei nai tangai u nai kamta, khumichi ly adyh adawi naimy leu atangai ai nai, Tameuh ly Juda khumichi i paleung amtlau hai nai ne.

2 NENG SATANG 30:12 ပူးပေါင်းရင်းမြစ်များ

2 NENG SATANG 29:15

Huni khumichi ly mychi Levi theaung tengtawi akachu hai iy, Reita leaungsai kamta kachai asa hai bo. Naibaly nichi ly samrang my leu pei nai kamta Areng i Reita y kachai sa hai nai ne.

2 NENG SATANG 29:25

Samrang ly samrang Davida teng y samrang i amo Kad hawi amo Nathan dengdairei, Areng my leu pei naichi tangai i, tarochi, sa-rachi syn nai Levi theaungchi khai takhra bo.

2 NENG SATANG 29:36

Tameuh my hini kalopchi sa kaliki ai nai pei nai deaungkho y, samrang Hezekia hawi khumi mipuichi ly amo theu u na ne.

2 NENG SATANG 8:15

Vawnsai pateung achu nai yhmchi, takhra kalopchi molam y Davida my leu pei naichi py, harei py takhawi y pa-rei sa u bo.

EZARA 7:27

Ezara my, “Achi i amsi pajochi i Areng Tameuh ai ly palo u! Mymy ly empara samrang teng y Jerusalem mary y awm nai Areng Tameuh i Achura yhm ai, hina nai tahm khai ai nai paleung pei pi lawh bo.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

AMTAW 4:19

Na i py Petera nini Johan my ly nichi teng y, “Tameuh i mei ka-niu y Tameuh i leu patawm nai tleaung y ly nangchi i leu patawm nai teng keh lawh a? Dawn u cham.

II KORINTH 3:5

ati py kaimychi teng i dengdairei theu nai palawn ai nai kaimychi my pha pajau ryry nai kana nai ny y leang; na i py kaichi i pha pajau nai ly Tameuh teng i dengdairei nga nai ne.

Leu Thui Nai 4:2

Nangchi ly kai i leu kang pei naichi ai panawi py panawi u bi moh, pajawp py pajawp u moh. Nangchi teng y kang pei nai nangchi i Areng Tameuh i leu phai tangai u.

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

I THESALONIKA 4:2

Kaichi my Areng Isu i saho y ati leu kang pei mo, nanai ly nangmychi ly pany u veng bo.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.