2 NENG SATANG 30:11 - Khumi Common Language Bible

¹¹ Na i py Asha, Manase hawi Zebulun theaungchi theung i phyrei khumichi ly Jerusalem mary y jeu u bo.

2 NENG SATANG 30:11 ပူးပေါင်းရင်းမြစ်များ

1 NENG SATANG 9:3

Juda, Benjamin, Ephraim hawi Manase theaungchi ly Jerusalem mary y awm u bo.

2 NENG SATANG 11:16

Israela chengchi i Areng Tameuh ai chiu takengkei ai ngai nai Israela theaung bawibawichi ly mymychi i Areng Tameuh teng y kapathyprachi talam ai nai Levi theaungchi hawi vanrei, Jerusalem mary y abang u nai ne.

2 NENG SATANG 12:12

Samrang ly Areng i mo y tahm apanem nai deaungkho y, Areng i kado theu nai ly ni i tlang tleaung y tym hai bebe y leang. Naibaly Juda pri y py tlamsa naira nga nai ne.

2 NENG SATANG 30:18

Ephraim, Manase, Isakhar hawi Zebulun theaung neangneangchi py, Reita leaungsaira thui nai kamta kachai so y naimy, Katlen Vui Nai Pawira abawi naichi ne. Huni khumichi i vui y samrang Hezekia my,

2 NENG SATANG 30:21

Jerusalem mary theung y awm angym nai khumichi ly khri pa-rei amo theu parai naimy, tako angbo abawi y nai pawi kani saryhrei sa u nai ne. Levi theaungchi hawi pathyp pi nai keungchi ly kani tlei tleirei, ham parai naimy Areng ai palo u bo.

2 NENG SATANG 30:25

Hunai deaungkho y Juda khumichi, pathyp pi nai keungchi, Levi theaungchi, tosyh mang dengdairei jeu nai khumichi, Israela pri hawi Juda pri theung y khuteng sa nai cheng takhra khumichi py amo theu u nai ne.

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 33:23

Na i py ni ly ampo kamta paleung apanem naimy Areng teng y ahihawi y. Ampo tleaung y malawn py kamngo sa nai ne.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

DANIELA 5:22

“Na i py ni i chapo nang ly huni bawibawichi pany teu i py, amymy ai paleung apanem y lawh.

Levi 26:41

kai ly kado theu nai deaungkho y, mychi i paleung ka-echi pri mang y, pri kapala nai ne. Kangkhym y nichi i kangpreangchi ly paleung tang nai nau vui iy mymychi i kamngo hawi tiu nai molam y pajeng naira avum chum nai khala,

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

AMTAW 17:34

Na i py khumi amichi mo ly mymy teng y amkawm akhikan i ym bo; hunichi theung y Areopaki i khumi Dionusia hawi, neampachy leaungrei amyn Damari napi nai hawi, nini hawi khumi takhrachi py ne.

JAKOB 4:10

Areng i mei ka-niu y ly tahm apanem u, hunaibaly ni my ang palo ai.

I PETERA 5:6

Hunai deaungkho y neng khyp nai khala y ly nangchi ai tahm ang pasang thai ai nai, Tameuh i ham parai nai kiu anui y apanem u ly;