2 NENG SATANG 30:1 - Khumi Common Language Bible

^1-3 Khumi mipuichi ly Katlen Vui Nai Pawi sa reng nai kamta, angchei lo y sa ai nai vo u y bo. Ati mana nai mo na baly Reita leaungsaira awm nai kamta, kachai sa chum nai pathyp pi nai keungchi di ala nai deaungkho y py, Jerusalem mary y tym nai khumichi di ala nai deaungkho y py, sa ai avo y nai ne. Hunai deaungkho y samrang Hezekia hawi vanrei, miteaung kehchi hawi Jerusalem mary i khumi bawibawichi ly huni pawi ai pa-nyh lo tleaung y sa ai nai ka-vo dawn u bo. Naibaly samrang ly Israela pri hawi Juda pri i khumi bawibawichi teng y satang thai hai nai ne. Ni ly Ephraim theaung hawi Manase theaungchi teng y, Israela chengchi i Areng Tameuh ai tahm khai ai hawi nai Katlen Vui Nai Pawi sa ai nai molam, Jerusalem mary Achura Yhm y jeu u ai nai, palau nai chachi py pa patyp nai ne.

2 NENG SATANG 30:1 ပူးပေါင်းရင်းမြစ်များ

2 ARENG KEH 23:22

Israela pri y peang nai tara chih nai keungchi deung i dengdairei, mani Israela samrang, ti y baly Juda samrang py, hini Katlen Vui nai pawi so u vai y leang.

2 NENG SATANG 11:13

Israela pri verei i pathyp pi nai keungchi hawi Levi theaungchi ly tokalawi mang Juda pri y tym u bo.

2 NENG SATANG 11:16

Israela chengchi i Areng Tameuh ai chiu takengkei ai ngai nai Israela theaung bawibawichi ly mymychi i Areng Tameuh teng y kapathyprachi talam ai nai Levi theaungchi hawi vanrei, Jerusalem mary y abang u nai ne.

2 NENG SATANG 25:7

Na i py amo ly samrang teng y chei i, ni teng y, “Hini Israela risachi ai nangmy hawi vanrei hawi moh. Areng ly hini tosyh mang i khumichi teng y awm hai y leang.

2 NENG SATANG 29:24

Naibaly pathyp pi nai keungchi ly Israela cheng verei i vui kamngo lawira nga nai apathyp ai nai samrang my leu pei nai kamta, mi-ichi tleh iy, maicham salo y thi paleaung nai ne.

2 NENG SATANG 29:36

Tameuh my hini kalopchi sa kaliki ai nai pei nai deaungkho y, samrang Hezekia hawi khumi mipuichi ly amo theu u na ne.

2 NENG SATANG 35:6

Nangchi ly Katlen Vui nai beramchi, mi-ichi tleh ai nai tla. Vai, nangmychi ai Reita leaungsai kamta kachai sa iy, Mosi dengdairei Areng i leu pei naichi teaung u patawm ai nai kapathyprachi angvei u rym,” napi.

JEREMIA 29:1

Kai ly Jerusalem mary i dengdairei Babulon mary y Nebukhadnezar my langheng y hawi nai pathyp pi nai keungchi, amochi, lu sa naichi hawi khumichi teng y cha harei kapa pi nai ne.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

HOSEA 5:4

Nichi ly hawi y sa nai molam y, mychi i Tameuh teng y ali u teang thai y. Nichi ly myn chiu naira y paleung apei u nai deaungkho y, Areng ai pany u y.