2 NENG SATANG 29:34 - Khumi Common Language Bible

³⁴ Hijirei tawnbawichi tleh ai nai pathyp pi nai keungchi aha leila y nai deaungkho y, amymychi ai kachai sa chum naichi, pathyp pi nai keungchi anga y nai ryrei ly kalop pajau pa-rei, Levi theaungchi my sabawm u nai ne. (Levi theaungchi ly pathyp pi nai keungchi tleaung y, Reita leaungsai kachai sa naira y hawihai palai sa nai ne.)

2 NENG SATANG 29:34 ပူးပေါင်းရင်းမြစ်များ

2 ARENG KEH 12:6

Na i py Joasa i peang nai saneng 23 tym nai ryrei, pathyp pi nai keungchi ly Achura yhm y mani sa palum nai py so y rai nai ne.

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

2 NENG SATANG 29:33

khumichi cha ai nai si katai amai 600 rei hawi beram amai 3,000 rei py, apathyp ai nai syn u bo.

2 NENG SATANG 29:5

nichi teng y leu pei nai ly “Nangchi Levi theaungchi awi, nangchi ly nangmychi ai apachai u iy, nangchi amsi pajochi i Areng Tameuh i Achura yhm chai ai nai so u. Achura yhm y chai hai y nai ngiereichi ai pasym u pawn.

2 NENG SATANG 30:15

Naibaly nichi ly lo si kani holai palyhrei kani y Katlen Vui Nai apathyp ai nai i vui y beramchi tleh u. Reita leaungsaira awm nai kamta kachai aso y nai pathyp pi nai keungchi hawi Levi theaungchi ly khri pa-rei kangji nga u i, Areng teng y kachai sau teang nai deaungkho y, vai ly Achura yhm theung y leng patlum nai kapathyprachi talam u pajau nai ne.

2 NENG SATANG 30:24

Samrang Hezekia ly khumichi cha ai nai si katai amai 1,000 rei hawi beram amai 7,000 rei sabawm pi. Miteaung kehchi my py si katai amai 10,000 rei hawi beram amai 1,000 rei sabawm u nai ne. Pathyp pi nai keung neangneangchi py reita leaungsaira thui nai kamta, apachai u bo.

2 NENG SATANG 35:11

Levi theaungchi ly beramchi, mi-ichi tleh iy peih lei u. Pathyp pi nai keungchi my maicham salo y thi katheng u.

EZARA 6:20

Pathyp pi nai keung hawi Levi theaung bawibawichi ly mymychi apachai nai deaungkho y, reita leaungsai molam y chai u nai ne. Levi theaungchi ly mymychi i pri y vawi u teang nai khumichi, pathyp pi nai keungchi hawi mymychi kypkyp i vui py katlen vui nai tawnbawichi tleh u bo.

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

SAM 7:10

Tameuh ly kai ai ama hai iy kry nai keung ne; mymy ly mymy i leu tangai nai khumichi ai atleu bo.

SAM 94:15

Tara jeungchira y leu meitang tara chih nai ly awm teang ai; khumi kahawi bawibawichi py, huni leu meitang tara chih nai ai ly paleung pado u ai.

Ezekiela 44:11

Nichi ly Achura yhm katheu pa-kho typ nai kalopchi, Achura yhm i atiti kalopchi napi nai, kai i kalopchi sa ai nai nga u nai ne. Nichi ly leng patlum nai katalamrachi hawi apathyp ai nai i vui y, khumichi my pei nai tawnbawichi tleh ai nai nga u; huni bo y py nichi ly atitichi sabawm ai nai Achura yhm y awm ai nai tla.

Kati Nai 18:3

Nichi ly nang i atiti kalopchi hawi Tabynako i vui atiti kalopchi sa u ai nai tla. Na i py nichi ly meingtym kachai i ateaungchi ai py, maicham ai py abi u moh sy; abi u lawh baly nang hawi vanrei nichi ly dei ai.

Kati Nai 8:15

Nang ly Levi theaungchi ai kachai sa nai hawi au chum baly, nichi ly Tabynakora y kalop sa u thai ai.

Kati Nai 8:19

Israela chengchi teng i katalamra palawn iy, Aron hawi ni i chapochi teng y kaau bo. Nichi ly Israela chengchi i jeng y Tabynakora kalop sa u ai nai tla. Israela chengchi kachai sa nai meingtym sahawi tapai naimy pajengra tym y ai nai nichi my ama hai iy kry ai nai tla,” napi.