2 NENG SATANG 29:31 - Khumi Common Language Bible

³¹ Hezekia my khumichi teng y, “Vai nangchi ly Reita leaungsaira y tajiu nai kamta, kachai sa u chum bo i, Areng teng y kawn naimy palo nai katalamrachi napi nai tawnbawichi syn u,” nanai leu pei nai kamta, khumichi sa u bo. Phyrei khumichi ly mymychi i paleung kangngai, leng patlum ai nai tawnbawichi syn u nai ne.

2 NENG SATANG 29:31 ပူးပေါင်းရင်းမြစ်များ

2 NENG SATANG 13:9

Nangchi ly Aron i kangpreang pathyp pi nai keungchi hawi Levi theaungchi ai patheu pawn iy, nichi i meingtym y cheng takhra khumichi i reita teaung iy, khumi takhrachi ai pathyp pi nai keung y khai u lawh bo. Ami py ne sy, si katai amairei, ti y baly beram amai saryhrei syn baly, nangchi i chiu nai tameuhchi i pathyp pi nai keung nga pajau lawh nai ne.

2 NENG SATANG 29:32

Nichi ly si katai amai 70 rei, beram amai 100 rei hawi beram cho amai 200 reichi ai Areng teng y leng patlum nai kapathypra syn iy,

EZARA 1:4

Pri pala nai cho Tameuh i khumichi vawi ali teang ai nai i vui y kasabawmra ngai lawh teu baly, tengpang sahawi y awm nai hunira i khumichi my sabawm ai nai tla. Nichi ly muku, tangka, cha nei ateaung alangchi, vawn tang nai tawnbawichi khyh chang y i, Jerusalem mary y awm nai Tameuh i Achura yhm i vui apathyp ai nai katalamrachi py pei pi ai nai tla,” napi.

THEU NAI 35:22

Talam ai paleung ano nai neampacho neampachychi ly muku ka-ma-ra atai nai, muku kano, muku kiu sabyh hawi muku leangchi talam patyp ai nai Areng teng u iy,

THEU NAI 35:5

Nangchi ly Areng teng y atitichi talam ai nai tla. Amimi py, talam ai ngai baly muku, tangka, kheupaja;

Ezekiela 46:12

“Leng patlum nai kapathypra hawi, leunghawi kapathypra, napi nai katalamrachi ai peang thym nai samrang ly mymy alyly naimy Areng teng y talam ai ngai nai khala, ni i vui nisi pa-kho paeaung pi ai nai tla. Ni my py Anawn kani khala i kamta kapathypra talam ai nai tla. Ni theu ali teang nai bo baly katheu akho teang ai nai tla,” napi.

Levi 23:38

Hini pawichi ly sa reng nai Anawn kanichi bo y py, sa ai nai pawichi ne. Hini katalamrachi ly nangchi my Areng teng talam reng nai, vaineng abeu nai molam y talam nai, paleung kangai talam nai bo y kapathypra talam naichi ne.)

Levi 7:11

Hini ly Areng teng y talam nai, leunghawi kapathypra i vui reitachi ne.

Levi 7:12

Khumi ami py Tameuh teng y kawn nai leu thui nai kapathypra talam nai khala, tawnbawi hawi vanrei angbo abawi y nai tako katalamra py syn ai nai tla. Hini tako ly olive asitui katlen nai tako dei hawi sa nai tako phi katho, ti y baly tako phi amporyp nai, ti y baly tako dei hawi olive asitui katlen iy sa nai tako phi ne ai nai tla.