2 NENG SATANG 29:24 - Khumi Common Language Bible

²⁴ Naibaly pathyp pi nai keungchi ly Israela cheng verei i vui kamngo lawira nga nai apathyp ai nai samrang my leu pei nai kamta, mi-ichi tleh iy, maicham salo y thi paleaung nai ne.

2 NENG SATANG 29:24 ပူးပေါင်းရင်းမြစ်များ

2 NENG SATANG 30:1

Khumi mipuichi ly Katlen Vui Nai Pawi sa reng nai kamta, angchei lo y sa ai nai vo u y bo. Ati mana nai mo na baly Reita leaungsaira awm nai kamta, kachai sa chum nai pathyp pi nai keungchi di ala nai deaungkho y py, Jerusalem mary y tym nai khumichi di ala nai deaungkho y py, sa ai avo y nai ne. Hunai deaungkho y samrang Hezekia hawi vanrei, miteaung kehchi hawi Jerusalem mary i khumi bawibawichi ly huni pawi ai pa-nyh lo tleaung y sa ai nai ka-vo dawn u bo. Naibaly samrang ly Israela pri hawi Juda pri i khumi bawibawichi teng y satang thai hai nai ne. Ni ly Ephraim theaung hawi Manase theaungchi teng y, Israela chengchi i Areng Tameuh ai tahm khai ai hawi nai Katlen Vui Nai Pawi sa ai nai molam, Jerusalem mary Achura Yhm y jeu u ai nai, palau nai chachi py pa patyp nai ne.

EZARA 6:17

Huni Achura yhm khai takhra nai pawira y nichi ly si katai 100 rei, beram 200 rei hawi beramcho 400 reichi ai kapathypra tawnbawichi palawn iy, Israela cheng theaung ha harei i vui y mi-i ha harei, cheng theaung holai nyhrei kavui mi-i holai nyhrei ai kamngo ahui nai kapathypra palawn iy apathyp u nai ne.

Ezekiela 45:17

Losi kani, Anawn kani hawi takhra pawi kani tleirei, Israela cheng vuijeungrei vui leng patlum ai nai tawnbawichi, teicha teinei katalamrachi hawi, kreip hang katalamrachi py, peang thym nai samrang ly talam ai nai tla. Ni ly Israela chengchi i kamngo lawira nga ai nai kamngo lawi nai kapathypra, teicha teinei katalamra, leng patlum nai kapathypra hawi, leunghawi asa nai kapathyprachi sa pi ai nai tla,” napi.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

Levi 1:4

Ni ly si katai i lu tleaung y kiu kheang nai deaungkho y, huni si ly ni i kamngo pahen nai kapathypra y Areng my palawn pi ai.

Levi 14:20

teicha teinei katalamra hawi vanrei, maicham tleaung y leng patlum ai nai tla. Huna nai kamta pathyp pi nai keung my kachai sa chum baly, no hawi nai khumi ly reita y chai naira nga ai.

Levi 6:30

Na i py tawnbawi thi ly Tabynako angtheung y syn iy, kamngo pahen nai kapathypra y teaung baly, huni tawnbawi mawi ly cho moh; mai patawi vui ai nai tla.

Levi 8:15

Mosi ly huni si ai tleh chum baly, thi maidenrei la iy kiu pajeung hawi maicham takichira i kachawnchira tabei; thi kamlai hawi maicham kheutangra leih iy, maicham ai khai takhra bo. Naibaly kamngo pahen nai kapathypra talam iy chai hai nai ne.

Levi 9:15

Huni bo y ni ly khumi mipuichi i vui kapathyprachi talam pi nai ne. Ni ly khumi mipuichi i vui kamngo pahen nai katalamra mi-i la iy tleh chum baly, amy i kamngo pahen nai kapathypra talam nai kamta mi-i hawi talam pi teang bo.

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.