2 NENG SATANG 28:3 - Khumi Common Language Bible

³ Hinnom leaunghawira y mui katuichi leng patlum bo. Ni ly Israela chengchi tavai amsa u nai khala, Areng my patheu nai khumichi i, amso ngai hawi nai reitachi kamta sa iy, my i chapochi ai malawn py leng patlum nai kapathypra palawn nai, mynchi teng y talam.

2 NENG SATANG 28:3 ပူးပေါင်းရင်းမြစ်များ

2 ARENG KEH 16:3

Israela samrangchi i sa nai kamta sa. Ni ly Israela chengchi my tavai tiu nai thym khala, Areng my patheu pi vui nai khumichi i amso ngai hawi nai reitachi kamta sa iy, amy i chapo ai malawn py leng patlum nai kapathypra palawn nai mynchi teng y talam bo.

2 ARENG KEH 23:10

Huni bo baly ami py Mole tameuh teng y cho chanauchi ai mai y leng patlum nai kapathypra talam pajau y ai nai, samrang Joseah ly hinnom leaunghawira i mynchi ai chiu nai Topheth napi nai meingtym ai py, chai nem hai y bo.

2 NENG SATANG 33:2

Areng my mymy i khumichi hini pri y kun nai thym khala, patheu pi pawn nai khumichi i reita tanynchi mang y Manase ly abang iy, mymy i tlang tleaung y kamngo sa bo.

2 NENG SATANG 33:6

Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.

2 NENG SATANG 36:14

Juda chengchi ai lu sa naichi, pathyp pi nai keungchi hawi mipuichi py, mymychi saleaung deaungpa khumichi i sa nai kamta mynchi chiu iy, mymy i kachai khai takhra nai Achura yhm y chai hai y bo.

JEREMIA 19:13

Jerusalem mary y awm nai yhmchi hawi Juda samrang hawi samrang i yhmchi, mychi i yhm amphu salo y ka-si taukichi ai mui katui leng patlum nai yhmchi hawi, tameuh takhrachi ai kreip hang leih iy talam nai yhm ngiereichi ly Topheth mary kamta chai y nai meingtymchi lawm ai,” napi.

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

MIKHA 6:7

Kai ly beram sang neangneangchi ai py, olive asitui tavo leaung na pa-rei py, kasyn baly Areng my kawn pi na a? Kai i kamngo lawi ai nai nang teng y kai i chapo chalu talam ai a?

Leu Thui Nai 12:31

Nichi i tameuhchi ai chiu nai leaungsaichi amtiu u moh. Huni khumichi ly mychi i tameuhchi ai chiu naira y Areng i niu ngai y nai amso ngai naichi sa nai deaungkho y, nangchi i Areng Tameuh ai chiu nai khala nichi i kamta chiu u moh. Huni khumichi ly mymychi i cho chanauchi ai malawn py, maicham tleaung y leng patlum u nai ne.

Leu Thui Nai 18:10

Nangchi i cho chanauchi ai leng patlum nai kapathypra palawn iy talam u moh. Nangchi ly dawi kawp nai, leung khen kawp nai, uimiu khawn nai,

Leu Thui Nai 18:9

“Nangchi i Areng Tameuh my pei nai pri y tym nai khala, nangchi ly huni pri y awm nai cheng khumichi i amso ngai nai saichi amtiu u moh.

JOSUA 15:8

Jebusi chengchi i mary napi nai Jerusalem mary sa nai mawi aheung tokalawi mang y awm nai, hinnom leaunghawi nidym mang mawi aheung katlen prei nai ne.

TARA CHIH NAI KEUNGCHI 2:11

Huna nai khala Israela chengchi ly Areng i tlang tleaung y kamngo sa u i, Bala tameuhchi ai chiu u.

TARA CHIH NAI KEUNGCHI 2:13

Nichi ly Areng ai chiu nai kalop khai su iy, Bala tameuhchi hawi Asatare tameuhchi ai chiu u bo.