2 NENG SATANG 28:27 - Khumi Common Language Bible

²⁷ Ahazi dei nai khala y ni i veu ai Jerusalem mary y up teu i py, samrangchi i tapreaung y up y nai ne. Ni i chapo Hezekia ly ampo i meingtym y amtym i, samrang lyn bo.

2 NENG SATANG 28:27 ပူးပေါင်းရင်းမြစ်များ

2 ARENG KEH 16:20

Ahaz dei nai khala ni ai ly Davida mary samrangchi i tapreaung y up. Naibaly ni i chapo Hezekia ly ampo i meingtym samrang y lawm bo.

2 ARENG KEH 18:1

Elah i chapo Israela samrang Hosea i peang nai pa-thom saneng y, Ahaz i chapo Hezekia ly saneng 25 rei awm nai khala y, Juda samrang lawm i,

2 NENG SATANG 21:2

Juda samrang Jehoshapha i chapo Jehoram ly Azariah, Jehiela, Zekhariah, Azariahu, Mikhaela hawi Shephatiah napi nai amnau leaung tariurei awm.

2 NENG SATANG 21:20

Jehoram ly saneng 32 rei saneng y samrang lawm i, Jerusalem mary y saneng tajarei peang nai ne. Dei nai khala ly ni i molam y ami py paleung si u y. Ni i veu ai Davida mary y up teu i py, samrangchi i tapreaungra up y leang.

2 NENG SATANG 24:25

Ni ly tamo kalem nga i hu y awm jo. Paleung ka-echi anaw pawn nai khala, miteaung keh leaung nyhrei ly pathyp pi nai keung Jehojada i chapo ai padei nai molam y, vawitheung tha nai kangviu y, mymy i ira tleaung y padei bo. Ni i veu ai ly Davida mary y up i py, samrangchi i tapreaung y up y leang.

2 NENG SATANG 26:23

Samrang Uzia dei nai khala Davida mary y up teu i py, my i roka molam y samrangchi tapreaung y up y nai ne. Ni i chapo Jotham ly ampo i meingtym y amtym i samrang lyn bo.

2 NENG SATANG 29:1

Hezekia ly saneng 25 rei awm nai khala y Juda samrang lawm i, Jerusalem mary y saneng 29 rei peang nai ne. Ni i amhm ly Zekhariah i chaniu Abija ne.

2 NENG SATANG 33:20

Manase dei nai khala y, ni ai ly samrang yhm theung y up u nai ne. Naibaly chapo Ammon ly ampo i meingtym y amtym i, samrang lyn bo.

LEU KACHENG 10:7

Khumi kahawichi ai pany jo nai ly amtheaung naira harei ne; na i py khumi hawi y naichi ai ly kra y naimy tami veng ryp ai.

ISAIA 14:28

Hini leu pei nai ly samrang Ahaz dei nai saneng y thai hai nai leu ne.

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.