2 NENG SATANG 28:16 - Khumi Common Language Bible

^16-17 Edom chengchi ly Juda pri theung y tavai tiu taleang bi i, khumi neangneangchi ai patiu iy langheng y hawi nai deaungkho y, samrang Ahazi ly Asuria empara samrang Tiklah Pilesa teng y, kasabawmra takeng nai ne.

2 NENG SATANG 28:16 ပူးပေါင်းရင်းမြစ်များ

ISAIA 10:20

Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 7:17

“Israela hawi Juda pri nyhrei akhawi takhra nai neng dengdairei amteaung iy, avum vai y nai patang nairachi ai Areng ly nang hawi nang i khumichi tlang tleaung y py, samrang i yhm dengtheungchi tlang tleaung y py tym hai ai. Mymy ly Asuria samrang ai ang hawi ai.

JEREMIA 2:18

Vai, nang ly Naing tavo tui nei ai nai Aikupta pri y chei nai ly kamran awm ai, nanai athang khai a? Euphrat tavo tui nei ai nai Asuria pri y chei nai ly kamran awm ai, nanai athang khai a?

JEREMIA 2:36

Nangchi ly pri takhra tameuhchi ai ahihawi nai molam y, amymy ai tahm anem hai nai Asuria pri ly nang ai sabawm y nai kamta, Aikupta pri my py sabawm y ai.

Ezekiela 16:28

“Nang ly takhra khumichi hawi ngai nai paleung anyp y nai deaungkho y, nang ly Asuria neampachochi hawi tamang bi bo. Na i py nang i ngai nai bym y leang rai.

HOSEA 5:13

“Israela pri ly my i no-na ai py, Juda pri ly my i tamo kalem nga nai ai py, niu nai khala y, Israela pri ly Suria pri empara samrang teng y chei iy, kasabawmra hnei bo. Na i py empara samrang my ly nichi i no-na ai, hawi so pi thai y leang.