2 NENG SATANG 26:8 - Khumi Common Language Bible

⁸ Ammon chengchi ly Uzia teng y langseaungchi pei u nai ne. Ni ly khri pa-rei sa thai naira len parai nai deaungkho y, ni i satang ly Aikupta pri mang khrairei amthang bo.

2 NENG SATANG 26:8 ပူးပေါင်းရင်းမြစ်များ

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 19:38

Chaniu katheang py chapo tapen teang i, amyn ly Benammi, nanai pathi. Mymy ly vai deung kangthau Ammon chengchi i amsi pajo ne.

2 SAMUELA 8:13

Davida ly palawi leaunghawira i Edom khumi leaung 18,000 reichi ai padei chum nai vawi ali teang nai khala y, ni ly amthang tleaung amthangra bo.

2 SAMUELA 8:2

Naibaly Samrang ly Moba khumichi ai tiu nai pajau i, patiu naira i nga nai khumichi ai khaileaung y atlym hai iy, phy thomrei y phy nyhreichi ai padei hai bo. Hunai deaungkho y Moba khumichi ly Davida i anui y awm i, kahm pei u nai ne.

1 ARENG KEH 4:31

Ni ly Ezarahi cheng Ethan tleaung y py, Mahola i chapochi napi nai Heman, Kalkola hawi Daradachi tleaung y py cheng keh. Ni ly khumi bawibawichi theung y cheng keh nai ne. Ni i cheng nai satang ly pri deaungpa tleirei y amthang bo.

1 NENG SATANG 14:17

Davida i amyn ly meingtym tleirei y amthang. Samrang ai khumi cheng cheaungkhangchi my jei hyn ai nai Areng my sa pi nai ne.

2 NENG SATANG 17:11

Philistia cheng phyreichi ly Jehoshapha teng y tangka neangneang hawi takhra langseaungchi syn pi. Arab cheng phyreichi my py beram amai 7,700 rei hawi mi-i amai 7,700 rei syn pi.

2 NENG SATANG 20:1

Neng kra kyh nai bo y Moba pri hawi Ammon pri i tavaimi kamkawmchi ly mychi hawi nai asa nai Meunit chengchi hawi vanrei, Juda pri y tavai tiu u bo.

2 NENG SATANG 26:9

Uzia ly mary apai takira i pa-kho, leaunghawi katheu pa-kho hawi mary apai takichi salo y angdeangrachi sa nai hawimy, Jerusalem mary ai khaw hai nai ne.

2 NENG SATANG 27:5

Ni ly Ammon samrang hawi ni i tavaimichi ai tiu nai pajau. Naibaly ni ly Ammon chengchi ai sanengrei y muku kaji sie 6225rei, chohpui chomaw teaung 205,000 rei hawi chajai choh teaung 205,000 rei, saneng thomrei pei hai bo.

MATTHAI 4:24

Naibaly mymy i satang ly Suri pri bawibawi y amthang bo; hunaibaly no naichi bawibawi, ham y naichi, cheaungkhang patang naichi, vawinam my nam naichi, kamthuchi, kamkhyn no naichi ai py mymy teng y hawi i, hawi sa pi bo.

Leu Thui Nai 2:19

Hunaibaly nangchi ly Lota i kangpreang Ammon chengchi i pri sahawi y tym u ai. Kaimy nichi ai pei yb nai ly nangchi ai kang pei ai ny y nai deaungkho y, nichi ai khrukhra hai u moh ly tavai py tiu u moh,” napi.

1 SAMUELA 11:1

Lorei kamta kra nai bo y Ammon samrang Nahasa ly my i tavaimichi ai lu sa iy, Kilead pri Jabe mary y tiu ai nai, tavai amsa u bo. Nichi ly mary ai katanmeuh nai deaungkho y, Jabe mary i khumichi my Nahasa teng y, “Kaichi hawi amkawm ai nai sumneang akhai baly, kaichi ly nang i peang nai anui y awm ai mang,” nanai thui u.