2 NENG SATANG 25:26 - Khumi Common Language Bible

²⁶ Samrang lyn khyp khala i dengdai tem pa-rei Amazia i sa nai leaungsai bawibawichi ai Juda hawi Israela samrangchi i cha-iu theung y tajiu pi typ bo.

2 NENG SATANG 25:26 ပူးပေါင်းရင်းမြစ်များ

1 ARENG KEH 14:19

Samrang Jeroboam i sa nai cheaungkhangchi, tavai atiu naichi hawi pri peang nai saichi py, Israela samrangchi i razavang cha-iu theung y tajiu typ nai ne.

1 ARENG KEH 14:29

Samrang Rehoboam i sa nai saichi ly Juda samrangchi i razavang cha-iu theung y tajiu pi typ nai ne.

2 ARENG KEH 14:15

Juda samrang i tavai atiu naira y Jehoasa i vam nai sai hawi, ni i atiti sa naichi ly Israela razavang cha-iu theung y tajiu pi typ nai ne.

1 NENG SATANG 29:29

Samrang Davida i satang ai angchei khala i dengdai tem pa-rei, Samuela, Nathan hawi Kad napi nai amo leaung thomreichi i recordchi ra y tajiu typ bo.

2 NENG SATANG 20:34

Jehoshapha i samrang sa angchei nai dengdai tem khala khrairei, ni i sa nai leaungsai bawibawichi ai Israela samrangchi i cha-iu, Hanani i chapo Jehu i cha-iu theung y tajiu pi typ nai ne.

2 NENG SATANG 25:25

Juda samrang Amazia ly Israela samrang Jehosha dei nai bo y, saneng holai pangrei heng rai.

2 NENG SATANG 25:27

Amazia ly Areng i tlang tleaung y kamngo sa khyp khala i dengdairei, Jerusalem mary y ni ai padei ai nai dawn paviu nai awm. Kangkhym y ni ly Lakhisa mary y preang. Na i py ni i paleung ka-echi ly huni mary y preang i, padei u bo.

2 NENG SATANG 26:22

Samrang Uzia i peang nai jeungrei sa nai leaungsai bawibawichi ai Amoz i chapo amo Isaia my record khai nai ne.

2 NENG SATANG 27:7

Jotham i peang nai deung y atiti tym naichi, tavai atiu nai leaungsaichi hawi ni i lam patei naichi ai Israela hawi Juda samrangchi i cha-iu theung y tajiu pi typ bo.

2 NENG SATANG 32:32

Samrang Hezekia i sa nai leaungsai ngiereichi hawi Areng teng y ahihawi nai saichi ai Amoz i chapo Isaia i paleung mei y niu nai cha-iu, Juda samrang hawi Israela samrangchi i cha-iu theung y tajiu pi typ nai ne.

2 NENG SATANG 35:27

ni i satang bawibawichi hawi ni i sa nai ati cheaungkhangchi py, Israela samrangchi i cha-iu theung y tajiu pi typ nai ne.

2 NENG SATANG 36:8

Jehojakim i amso ngai hawi nai sa nai saichi hawi, hawi y naira sa naichi raurei, ni i takhra sa nai leaung sai bawibawichi ai Juda samrangchi i cha-iu theung y tajiu pi typ nai ne. Ni i chapo Jehojakhin ly ampo i meingtym y atym i, samrang lyn bo.