2 NENG SATANG 25:15 - Khumi Common Language Bible

¹⁵ Hunai deaungkho y Areng ly kado theu i, amo ai Amazia teng y pato bo. Amo my, “Nang kiu i khumichi ai atleu pajau y nai cheng takhra khumichi i tameuhchi ai, nang ly ati mana nai chiu lawh mo?,” napi.

2 NENG SATANG 25:15 ပူးပေါင်းရင်းမြစ်များ

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

2 NENG SATANG 20:37

Na i py Maresha mary i Dodavahu i chapo Elieza my Jehoshapha teng y, “Nang ly Ahazia hawi miso vuinai asa nai deaungkho y, Areng my vaichi khala sa nai samphochi taphra ai,” nanai thui nai kamta, huni samphochi ly phra iy, Tashu mary y chei pajau y bo.

2 NENG SATANG 24:18

Hunai deaungkho y khumi mipuichi ly Achura yhm y amsi pajochi i Areng Tameuh ai chiu nai khai su iy, mynchi hawi Asherah tameuhnu i tamkhawnchi ai chiu u. Hina nai nichi i sa nai kamngo molam y. Areng i kado theu nai ly Juda pri hawi Jerusalem mary tlang tleaung y tym bo.

2 NENG SATANG 24:20

Huna nai khala Tameuh i phailo ly pathyp pi nai keung Jehojada i chapo Zekhariah i tlang tleaung y tym nai deaungkho y, Zekhariah ly khumi mipuichi ka-niura angdo iy, “Nangchi ly nangmychi i tlang tleaung y ka-jeira tym hai ai nai, ati mana nai kai Areng i leu pei nai tangai u y lawh mo? Kai ai nangchi my khai su nai deaungkho y, kai py nangchi ai khai su bo!” napi.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

2 NENG SATANG 25:7

Na i py amo ly samrang teng y chei i, ni teng y, “Hini Israela risachi ai nangmy hawi vanrei hawi moh. Areng ly hini tosyh mang i khumichi teng y awm hai y leang.

2 NENG SATANG 28:9

Oded napi nai Areng i amo ly Samari mary y awm nai ne. Ni ly tavai keung i vawi nai Israela tavaimi kamkawm ai mary apai katheu pa-khora lawh i, ni my, “Nangchi amsi pajochi i Areng Tameuh ly Juda khumichi ai kado theu nai deaungkho y, nichi ai nangchi my tiu ai nai pei nai ne. Na i py nangchi ly kado theu nai apatawn pajau y i, tamyh u lawh bo.

SAM 96:5

Takhra khumi bawibawichi i tameuhchi ly mynchi teu; na i py Areng ly kani khusang sa nai keung ne.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

JEREMIA 10:5

Hina nai mynchi ly pajawi baira i tavo pajei nai mynchi hawi atawm iy, leu py katheu kawp y. Nichi ly tako thai y nai deaungkho y, nichi ai kajeaung pi ai nai tla. Mynchi ly nangchi ai hawi nai py, hawi y nai py so pi thai y. Nangchi ly hunichi ai jei u moh,” napi.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 2:5

Areng my leu pei nai ly “Kai teng y ati kamngo niu nai y, nangchi i amsi pajochi ly kai teng i nai theu u nai a? Nichi ly vang teng y nai mynchi chiu u iy, mychi kypkyp py vang teng u y bo.

JEREMIA 48:13

Huna nai khala, mychi ym u nai Bethela tameuh ai Israela chengchi my paleung phra u nai kamta, Moba pri khumichi ly mychi i Khemosa tameuh ai paleaung phra u ai.

I KORINTH 10:20

Na i py Cheng Takhrachi i apathyp nai ly Tameuh teng y apathyp nai ny y leang, vawinamchi teng y apathyp nai teu; nangchi ly vawinamchi hawi amtaw ai nai kang ngai hai y leang.

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

TARA CHIH NAI KEUNGCHI 18:24

Mikha my nichi teng y, “Ati aly awm mo,’ nanai nangchi ati mana nai y thui u nai mo? Nangchi ly kai i pathyp pi nai keung hawi, kai i sa nai mynchi syn u pawn lawh ly! kai teng y ati awm jau mo?,” napi.

TARA CHIH NAI KEUNGCHI 2:2

Nangchi ly hini pri y awm nai khumichi hawi mana khala py, leu maikawm aso moh. Nichi i maichamchi ai taphra vui ai nai tla, nanai nangchi ai leu kang pei bo. Na i py nangchi ly kai i leu pei nai tangai u y; ati mana nai y hina nai sa u lawh mo!