2 NENG SATANG 24:24 - Khumi Common Language Bible

²⁴ Suria tavaimi kamkawm ly theang teu i py, Areng my khri pa-rei len nai Juda tavaimi kamkawm ai eaung ai nai pei bo. Ati mana nai mo na baly Juda khumichi ly mymychi amsi pajochi i Areng Tameuh ai khai u su nai deaungkho y ne. Hina nai kamta samrang Josha ly kamngo pajeng naira avum bo.

2 NENG SATANG 24:24 ပူးပေါင်းရင်းမြစ်များ

2 ARENG KEH 12:17

Huni neng khala y Suria samrang Hazaela ly kath mary y tiu i, pajau vui bo. Naibaly ni ly Jerusalem mary y tiu ai nai amsa nai thym khala,

2 NENG SATANG 16:7

Huni neng khala amo Hanani ly samrang Asa teng y chei iy, “Samrang nang ly nangmy i Areng Tameuh ai paleung pado y naimy, Suria samrang ai paleung pado lawh nai deaungkho y, Israela tavaimichi ly nang teng i nai tleaung veng bo.

2 NENG SATANG 22:8

Jehu ly Ahab i samrang kangpreang tlang tleaung y Tameuh i pacheang yb nai ai sa nai thym khala, Ahazia teng abang nai Juda miteaung kehchi hawi Ahazia i chapomochi ai avum bo.

2 NENG SATANG 24:20

Huna nai khala Tameuh i phailo ly pathyp pi nai keung Jehojada i chapo Zekhariah i tlang tleaung y tym nai deaungkho y, Zekhariah ly khumi mipuichi ka-niura angdo iy, “Nangchi ly nangmychi i tlang tleaung y ka-jeira tym hai ai nai, ati mana nai kai Areng i leu pei nai tangai u y lawh mo? Kai ai nangchi my khai su nai deaungkho y, kai py nangchi ai khai su bo!” napi.

2 NENG SATANG 28:5

Samrang Ahazi ly kamngo sa nai deaungkho y, Areng Tameuh my Suria samrang teng y, ni ai tiu iy Juda khumi neangneangchi ai langheng palawn nai Damaska mary y hawi pawn ai nai pei bo. Areng ly Remaliah i chapo, Israela samrang Pekah teng y Ahazi ai tiu iy, kanirei y my Juda tavaimi risa leaung 120,000 rei padei ai nai pei pi bo. Nichi ly mymychi amsi pajochi i Areng Tameuh ai khai u su nai deaungkho y, mymy ly hina nai tym hai nai ne.

ISAIA 13:5

Nichi ly khaileaung pri katemra y awm nai, pri kamlochira i dengdairei ang jeu u bo. Areng ly kado theu nai deaungkho y, tavai ateaung hawi pri vereichi ai tamyh pawn ai nai ang jeu ai.

ISAIA 30:17

Paleung ka-e leaungrei ai niu baly, nangchi teng i khumi leaung sangrei preang u ai. Paleung ka-e leaung pangrei nabaly, nangchi bawibawi malawn py preang u ai. Mawi saleung y tamkhawn my tlairei leng jo nai ny y baly, nangchi tavaimi theung i ati sai py awm jo ai ny y.

JEREMIA 37:10

Nangchi ly nangmychi ai tiu nai Babulon tavaimichi vereichi ai tiu pajau iy tamo kalem nga naichi naini, mychi i kanih yhm y awm khyh bo na lawh teu i py, huni khumichi ly ang thau u iy, hini mary ai mai leng vui ai,” napi.

Levi 26:25

Nangchi ly kai i Leu Maikawm taphra nai molam y, nangchi teng y tavai takai tym hai ai. Huna nai khala nangchi ly marychi mang preang iy abyh u baly, kai ly nangchi teng y asi sa iy hawi thai y nai no-nachi kang tym hai ai i, nangchi ly paleung ka-echi teng y tym u ai.

Levi 26:37

Preang nai khumi by y naimy leaung leaungrei adeng mengmeaung iy atlym u ai. Mani paleung ka-e ai py amtang pajau ai ny y.

Levi 26:8

nangchi mang i khumi leaung pangreichi ly paleung ka-e leaung chungvaireichi ai mo, nangchi mang i khumi leaung chungvaireichi ly paleung ka-e leaung meaungkateaungreichi ai mo, tiu nai pajau u ai.

HABAKKUK 1:12

Aw Areng, nang ly angchei khala i dengdairei Tameuh ne. Nang ly kaichi i Tameuh, Chai parai naimy deungtasarei awm nai ne. Aw Areng, kai i Tameuh hawi abyhra lengseaung, “Nang ly Babulon chengchi ai vawi takhra iy, kaichi ai pajeng thai ai nai nichi ai atho angym hai bo.

ZEPHANIAH 1:2

Areng my, “Kai ly khumichi, tawnbawichi, tavochi hawi ngochi py takhawi y, khaileaung pri y awm nai ngiereichi tamyh pawn ai. Khumi hawi y naichi ai atlym hai ai. Khumi bawibawichi ai kaimy taphra ai. Dei y naimy leaungrei py tleaung ai ny y. Hini ly kai, Areng my kang thui pi nai leu ne.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:48

Hunai deaungkho y Areng my nangchi ai tiu ai nai pato nai paleung ka-echi i kalopchi nangchi sa u lawh ai. Nangchi ly kajeu kanglam, tui kanghai hawi tlang ka-keu naimy awm u ai i, cheaungkhangra y avaw u ai. Nangchi tama ai nai pa-rei Areng my nangchi ai ana kalikachi hai ai.

Leu Thui Nai 32:30

Khumi leaung sangreichi ai leaungrei my, khumi leaung meaungkateaungreichi ai leaung nyhrei my ati mana nai tiu pajau nai mo? Nichi i Areng Tameuh my nichi ai khai su nai deaungkho y, nichi i ati cheaungkhang sa thai nai Tameuh my nichi ai sum hai nai deaungkho y ne.