2 NENG SATANG 24:20 - Khumi Common Language Bible

²⁰ Huna nai khala Tameuh i phailo ly pathyp pi nai keung Jehojada i chapo Zekhariah i tlang tleaung y tym nai deaungkho y, Zekhariah ly khumi mipuichi ka-niura angdo iy, “Nangchi ly nangmychi i tlang tleaung y ka-jeira tym hai ai nai, ati mana nai kai Areng i leu pei nai tangai u y lawh mo? Kai ai nangchi my khai su nai deaungkho y, kai py nangchi ai khai su bo!” napi.

2 NENG SATANG 24:20 ပူးပေါင်းရင်းမြစ်များ

1 NENG SATANG 12:18

Tameuh teng i Phailo ly Amasai tlang tleaung y tym i, kangkhym y risa leaung phaireichi i tavailu areng lawm nai Amasai my, “Jese i chapo Davida awi, kaichi ly nang i khumichi ne! Tameuh ly nang mang y awm! Nang hawi vanrei nang ai sabawm nai khumichi ly eaung naira ngo u sy!” nanai aeu u bo. Davida ly nichi ai kawn i, mymy i tavaimi theung y miteaung kehchi lawm hai bo.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 12:5

Shisha kiu i tleaung ai nai molam Jerusalem mary y angym u nai samrang Rehoboam hawi Juda miteaung kehchi teng y amo Shemaiah chei i, nichi teng y, “Areng my, ‘Nangchi ly kai ai khai u su nai deaungkho y, kai ly nangchi ai Shisha i kiu y au veng bo,’ ang napi,” napi.

2 NENG SATANG 20:14

Areng i phailo ly khumi humchi theung y awm nai Levi theaung leaungrei tlang tleaung y tym bo. Huni khumi ly Zekhariah i chapo Jahaziela ne. Ni ly Asap, Mattniah, Jeiela hawi Benaia kangpreang ne.

2 NENG SATANG 23:11

Naibaly Jehojada ly Josha ai patheu iy, samrang lukhym amym hai i, samrang i reita cha-iu talam pi. Hina nai kamta Josha ai samrang palyn u nai ne. Pathyp pi nai keung Jehojada hawi ni i chapochi ly Josha ai asitui lei pi nai khala khumi bawibawichi my, “Samrang ly heng sau sy!,” nanai aeu u.

2 NENG SATANG 24:24

Suria tavaimi kamkawm ly theang teu i py, Areng my khri pa-rei len nai Juda tavaimi kamkawm ai eaung ai nai pei bo. Ati mana nai mo na baly Juda khumichi ly mymychi amsi pajochi i Areng Tameuh ai khai u su nai deaungkho y ne. Hina nai kamta samrang Josha ly kamngo pajeng naira avum bo.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

2 NENG SATANG 29:8

Hunai deaungkho y Areng ly Juda pri hawi Jerusalem mary ai kado theu iy, ka-jeira tym hai naichi niu nai khumi bawibawichi ly athengra na bo. Huni ly nangchi hawihai palai pany u nai ne.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 26:2

Areng ly hina nai leu ang pei. “Achura yhm apai theung y angdo iy, huni meingtym y Juda marychira i dengdairei Areng i yhm y chiu ai nai ang jeu u nai khumichi teng y, kai i leu pei naichi thui pi. Leu sairei py takhawi moh.

JEREMIA 4:18

Aw Juda pri, nang ly nangmy i awm nai, sa nai saichi molam y hina naichi tym haibo. Nang i paleung y haisau hawi thun nai kamta, nang ly nangmy i kamngo deaungkho y, hini patang naira avum nai ne.

JEREMIA 5:19

Jeremia awi, Huni khumichi ly nang teng y, ‘Ati mana nai y Areng ly hina naichi sa lawh mo,’ nanai ang deng u ai. Naibaly nichi teng y, ‘Nangchi ly Tameuh ai khai su iy, nangmychi i pri y my cheng takhra tameuhchi i kalop sa pi u lawh. Hunai deaungkho y pri takhra mang y, cheng takhrachi i kalop sa pi ai nai tla ai,’ nanai pathang pi,” napi.

JEREMIA 5:25

Nangchi i sa tamang nai hawi kamngochi my ly amtheaung nairachi paka vui iy, nangchi teng i nai amphri hai veng bo.

AMOS 5:10

Tara jeungchira y teng y nai ai thui tamawn iy, leu meitang katheu nai khumichi ai naini, nangchi ly niu ngai u y lawh.

Kati Nai 14:41

Na i py Mosi my, “Nangchi ly ati mana nai y Areng i leu pei nai, vai khrairei tangai u y lawh mo? Nangchi i katau eaung lawh y leang!

MATTHAI 23:35

hunaibaly khumi kahawi Abela i thi dengdairei, meingtym kachai hawi maicham sala y Barakia i chapo Zakaria ai nangchi my padei nai thi khrairei, khaileaung tleaung i khumi kahawichi i thi theu nai bawibawi ly nangchi i tlang tleaung y tym ai.

LUKA 11:51

amo bawibawi i thi khaileaung palum angchei nai dengdairei theu nai ly, vai deung kangthauchi i tlang tleaung y vawitheung tha pajau ai, nanai ly; ne, kang thui pi, vai deung kangthauchi i tlang tleaung y vawitheung tha ai.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

TARA CHIH NAI KEUNGCHI 6:34

Areng i phailo ly Kideon teng y tym nai deaungkho y, ni ly Abieza nupai bawibawichi ai, mymy nithun abang u ai nai baw eng bo.