2 NENG SATANG 24:18 - Khumi Common Language Bible

¹⁸ Hunai deaungkho y khumi mipuichi ly Achura yhm y amsi pajochi i Areng Tameuh ai chiu nai khai su iy, mynchi hawi Asherah tameuhnu i tamkhawnchi ai chiu u. Hina nai nichi i sa nai kamngo molam y. Areng i kado theu nai ly Juda pri hawi Jerusalem mary tlang tleaung y tym bo.

2 NENG SATANG 24:18 ပူးပေါင်းရင်းမြစ်များ

2 SAMUELA 24:1

Huni bo y Areng ly Israela chengchi tlang tleaung y kado theu nai deaungkho y, nichi ai pajeng ai nai molam, Davida ai kamngo sa hai. Areng my Davida teng y, “Chei ly Israela hawi Juda pri y khumi vuikanai lo.” napi.

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

1 ARENG KEH 14:9

Nang ly nangmy ny rai khala i peang nai samrangchi tleaung y py, khri pa-rei kamngo len naichi sa bo. Nang ly kai ai hi vui iy tameuh takhra ai chiu naimy mynchi sa nai molam y, kai ai kado patheu lawh ly.

2 NENG SATANG 12:1

Rehoboam ly mymy i sa thai naira khaw ai nai sa chum baly, ni hawi ni i khumi bawibawichi ly Areng i Reita khai u su bo.

2 NENG SATANG 12:2

Leu atangai y nai deaungkho y my i peang nai pa-ngo saneng y, Aikupta samrang Shisha ly Jerusalem mary y tiu.

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

2 NENG SATANG 21:13

Ahab hawi ni i meingtym y amtym u nai samrangchi ly Israela chengchi ai Tameuh i tlang tleaung y kamngo sa ai nai lam patei nai kamta, nang ly Juda khumichi hawi Jerusalem mary i khumichi ai kamngo sa ai nai lam patei bo. Nang ly nangmy tleaung y hawi nai ngamnauchi ai py padei bo.

2 NENG SATANG 22:4

Ampo dei nai bo y mymy ai tau pei nai miteaung kehchi ly Ahab i yhm dengtheungchi ne i, Ahazia ly Areng i tlang tleaung y kamngo sa i phra bo.

2 NENG SATANG 24:17

Na i py Jehojada dei nai bo y Juda cheng lu sa naichi ly samrang Josha ai nichi i leu tangai ai nai parawi u bo.

2 NENG SATANG 24:4

Josha ly samrang lawm nai kra kyh nai bo y, Achura yhm palum ai nai dawn bo.

2 NENG SATANG 25:15

Hunai deaungkho y Areng ly kado theu i, amo ai Amazia teng y pato bo. Amo my, “Nang kiu i khumichi ai atleu pajau y nai cheng takhra khumichi i tameuhchi ai, nang ly ati mana nai chiu lawh mo?,” napi.

2 NENG SATANG 28:13

Nichi my, “Nangchi i langheng hawi nai khumichi ai hini mary theung y pakun u moh! Achi ai kado theu iy pajeng hai ai nai pa-rei, Areng i tlang tleaung y achi sa tamang u bo. Vai nangchi ly kaichi kamngo sa tleaung sa ra ai nai ngai hai u lawh bo,” napi u.

2 NENG SATANG 29:8

Hunai deaungkho y Areng ly Juda pri hawi Jerusalem mary ai kado theu iy, ka-jeira tym hai naichi niu nai khumi bawibawichi ly athengra na bo. Huni ly nangchi hawihai palai pany u nai ne.

2 NENG SATANG 32:25

Na i py samrang Hezekia ly amlyh am-e nai deaungkho y, Areng i sa pi nai ai kawn ai nai pany y. Huna nai y Juda pri khumichi hawi Jerusalem mary i khumichi ly patang naira avum u.

2 NENG SATANG 34:25

Nichi ly kai ai khai su iy, tameuh takhrachi teng y apathyp u bo. Hunai deaungkho y nichi ly mymychi i sa nai atitichi molam y, kai ai kado theu hai ra bo. Kai ly Jerusalem mary ai kado theu hai bo i, huni kado theu nai ly rym ai ny y.

THEU NAI 34:12

Nangchi my tiu ai nai pri i khumichi hawi, nai aso y ai nai amkyn u; nai asa lawh baly, nangchi ly nichi i deaung y man u ai.

THEU NAI 34:13

Nangchi ly nichi i maichamchi panawi pawn ai nai tla; nichi i tameuh leungchengchi taphra ai nai tla; nichi i tameuh nu Aser i mynchi py, paliu pawn ai nai tla.

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

HOSEA 5:14

Kai ly khrangsi kamta Israela khumichi hawi Juda khumichi ai tiu ai. Kaimy kypkyp my nichi ai dei lawm na pa-rei sei piupa iy khai su ai. Kai ly nichi ai ryh vui nai khala y, ami py nichi ai atleu pajau ai ny y.

EPHESI 5:6

Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.

JOSUA 22:20

Zerah i chapo Akhan ly taphra pawn ai nai vawnsaichi molam y, leu pei nai tangai y nai deaungkho y, Israela cheng verei pajeng naira avum nai ny y a? Akhan i kamngo molam y, mymy leaungrei deira avum nai khyh ny y,” napi u.

TARA CHIH NAI KEUNGCHI 5:8

Huni bo y Israela chengchi ly tameuh takhrachi ai vawi u takhra nai khala, huni pri y tavai tiu u bo. Israela pri y khumi meaung kateaung palyhrei awm nai theung y khupui harei, ti y baly tivi harei syn nai khumi awm a?

TARA CHIH NAI KEUNGCHI 8:33

Kideon dei nai bo y Israela chengchi ly Tameuh ai nithun thun u bi bo; Bala tameuh ai chiu u bi nai ne. Nichi ly leu maikawm asa yb nai Bala tameuh ai, mychi i tameuh palawn u i,