2 NENG SATANG 23:3 - Khumi Common Language Bible

³ Nichi ly Achura yhm theung y angym u iy, samrang i chapo Josha hawi Leu Maikawm asa u bo. Jehojada my nichi teng y, “Dei veng nai samrang i chapo hi y awm; Samrang Davida i kangpreangchi teng y Areng my adeu nai kamta, ni ly vai samrang lawm ai.

2 NENG SATANG 23:3 ပူးပေါင်းရင်းမြစ်များ

2 SAMUELA 5:3

Naibaly Israela cheng lu sa nai keung bawibawichi ly samrang Davida awm nai Hebron mary y tym u. Davida ly Tameuh i mo y nichi hawi vaineng asa nai deaungkho y, nichi my Davida ai samrang y palyn nai asitui leih pi u. Naibaly Davida ly Israelachi i samrang y lawm bo.

2 SAMUELA 7:12

Nang ly dei iy ngamsichi hawi vanrei a-up nai khala y, kai ly nang i chapochi theung i leaungrei ai samrang palyn ai i, ni i pri khaw hai ai.

2 SAMUELA 7:16

Nang i kangpreang ly mana khala py, myh kang y naimy nang i pri ly deungtasa khaw hai jo ai. Nang i peang nai haiho ly mana khala py jum veng ai ny y,’ nanai leu pei nai amti pi,” napi.

1 ARENG KEH 2:4

Nang ly Areng i kangai sa baly, mymy ly kai teng y ang pei nai leu ka-deu ly khaw hai ai. Mymy ly ‘nang i katu chanauchi ly kai i leu pei naichi ai, paleung hawi phailo verei, takhawi y pa-rei tangai iy dawn patyp nai ryrei ly kaimy nichi ai Israela pri peang ai nai pei ai,” nanai leu ang pei.

1 ARENG KEH 9:5

Nang i ampo Davida i Israela samrang atehra tleaung y ateh nai samrang kamtawm avaw hai y ai, nanai adeu nai kamta kang sa pi ai.

2 ARENG KEH 11:17

Pathyp pi nai keung Jehojada ly samrang hawi khumi bawibawichi ai, Areng i khumichi lawm u ai nai Areng hawi leu maikawm asa hai bo. Samrang hawi khumi mipuichi ai py leu maikawm asa hai leungtang nai ne.

1 NENG SATANG 11:3

Huna nai Israela chengchi ai lu sa naichi ly Hebron mary y awm nai Davida teng y tym u nai khala, samrang ly Areng i mo y huni khumichi hawi amkawm nai vaineng asa bo. Nichi my py Samuela teng y Areng my adeu nai kamta, Davida ai asitui lei iy Israela samrang y palyn u bo.

2 NENG SATANG 21:7

Na i py Areng ly Davida hawi Leu Maikawm asa iy, ni i samrang kangpreang avaw hai y ai nai adeu pi nai deaungkho y, samrang Davida i kangpreang phra hai ai nai nga y.

2 NENG SATANG 23:16

Jehojada ly samrang Josha hawi vanrei khumi mipuichi ai, Areng i khumichi lawm hai ai nai mymy hawi Leu Maikawm asa bo.

2 NENG SATANG 6:16

Aw Israela chengchi i Areng Tameuh, nang ly kai i ampo Davida teng y, ‘Nang i kangpreangchi ly nang kamta reita leu hawihai palai tangai baly, Israela pri y nang i samrang kangpreang mana khala py avaw by ai ny y,’ nanai leu adeu nai py khaw hai ba.

2 NENG SATANG 7:18

nang i ampo Davida teng y, ‘Israela pri y nang i samrang kangpreang ly mana khala py tem ai ny y,’ nanai kai i adeu nai khaw hai ai.

SAM 89:29

Ni i pri ly kani khusang kamta khaw hai ai; ni i katu chanauchi ly samrang lawm jojo ai.

SAM 89:36

Davida i kangpreang ly mana khala py myh kang ai ny y; kani tleirei, kai ly ni i pri khaw hai jojo ai.