2 NENG SATANG 23:18 - Khumi Common Language Bible

¹⁸ Jehojada ly pathyp pi nai keungchi hawi Levi theaungchi teng y, Achura yhm i kalopchi sa ai nai khai. Nichi ly samrang Davida my khai pi yb nai kalopchi sa iy, Mosi i Reita cha-iu theung y tajiu nai kamta, leng patlum nai kapathyprachi Areng teng y talam u. Nichi ly katyn kapau beu nai hawi pawi sa nai kalopchi py sa u ai tla.

2 NENG SATANG 23:18 ပူးပေါင်းရင်းမြစ်များ

1 NENG SATANG 23:25

Davida my, “Israela chengchi i Areng Tameuh ly mymy i khumichi ai tlamsa naira pei iy, mymy py Jerusalem mary y awm pi jojo ai.

2 NENG SATANG 29:25

Samrang ly samrang Davida teng y samrang i amo Kad hawi amo Nathan dengdairei, Areng my leu pei naichi tangai i, tarochi, sa-rachi syn nai Levi theaungchi khai takhra bo.

2 NENG SATANG 29:27

Leng patlum nai kapathyprachi talam ai nai samrang my leu pei nai deaungkho y, katalamrachi amteaung nai khala y khumichi ly khulym thui naimy Areng ai palo u nai ne. Katyn kapau beu kawp naichi py bawchi hawi, takhra katyn kapauchi beu u.

2 NENG SATANG 29:30

Samrang Hezekia hawi mipuichi ai lu sa naichi ly Levi theaungchi ai Davida hawi amo Asap nini my tajiu pi yb nai palo nai khulymchi thui hai nai ne. Hunai deaungkho y nichi ly amo theu parai naimy khulym thui u iy, kheukhu di naimy Tameuh ai chiu u bo.

2 NENG SATANG 30:27

Pathyp pi nai keungchi hawi Levi theaungchi ly mipuichi i vui, Areng teng i amtheaung naira hnei pi nai deaungkho y, Tameuh ly mymy i awm nai kani pri mang dengdairei, nichi i chiu sa nai pathang pi nai ne.

2 NENG SATANG 35:2

Samrang ly pathyp pi nai keungchi ai Achura yhm theung y sa ai nai kalopchi pasym pi iy, hunichi sa angym ai nai atho pei.

2 NENG SATANG 5:5

Achura yhm mang y syn u bo. Pathyp pi nai keungchi hawi Levi theaungchi ly Areng i awm nai Tabynako py, huni i vawnsai ateaung ngiereichi py vanrei, Achura yhm mang y pyn u bo.

2 NENG SATANG 7:6

Pathyp pi nai keungchi ly mymychi i vui khai pi nai meingtym ra y angdo u bo. Levi theaungchi ly pathyp pi nai keungchi hawi mo atha naimy angdo iy, samrang Davida i sa nai katyn kapauchi hawi Areng ai palo u. Samrang Davida i sa yb nai kamta, “Mymy i tamen naira ly deungtasarei ne,” nanai khulym thui u nai ne. Khumi bawibawichi angdo nai thym khala, pathyp pi nai keungchi ly bawchi eng u bo.

EZARA 6:22

Nichi ly kani saryh ryrei tako angbo abawi y nai pawi ai amo theu parai naimy sa u bo. Israela chengchi i Tameuh i vui Achura yhm sa naira y abawi ai ngai nai paleung ly Suria empara samrang teng y Tameuh my pakun pi bo. Hunai deaungkho y nichi ly khri pa-rei amo theu u nai ne.