2 NENG SATANG 23:16 - Khumi Common Language Bible

¹⁶ Jehojada ly samrang Josha hawi vanrei khumi mipuichi ai, Areng i khumichi lawm hai ai nai mymy hawi Leu Maikawm asa bo.

2 NENG SATANG 23:16 ပူးပေါင်းရင်းမြစ်များ

2 ARENG KEH 11:17

Pathyp pi nai keung Jehojada ly samrang hawi khumi bawibawichi ai, Areng i khumichi lawm u ai nai Areng hawi leu maikawm asa hai bo. Samrang hawi khumi mipuichi ai py leu maikawm asa hai leungtang nai ne.

2 NENG SATANG 15:12

Nichi ly mymychi i amsi pajochi i Areng Tameuh ai, paleung hawi tlang verei chiu ai, nanai Leu Maikawm sa u nai ne.

2 NENG SATANG 15:14

Huni khumichi ly hini Leu Maikawm khaw hai ai, nanai Areng i amyn y raawi pajeng parai naimy vaineng abeu u bo. Naibaly nichi ly aeu u iy bawchi eng u.

2 NENG SATANG 15:15

Juda khumi bawibawichi ly paleung hawi tlang verei Leu Maikawm asa u nai deaungkho y amo theu u bo. Nichi ly paleung hawi verei ahihawi nai deaungkho y, Areng ly nichi i ahihawi nai kawn pi i, meingtym tleirei y tlamsa hai bo.

2 NENG SATANG 29:10

“Kado katheu rym ai nai vai, kai ly Israela chengchi i Areng Tameuh hawi Leu Maikawm asa ai nai kadawn bo.

EZARA 10:3

Vai kaichi ly huni neampachychi hawi cho chanauchi ai khai su ai, nanai kaichi i Tameuh teng y vaineng adeu u ai. Tameuh i leu pei naichi tahm khai u nai, nang hawi takhra khumichi my tau pei nai kamta, kaichi kasa u ai. Kaichi ly Tameuh i Reita leu kamta sa khyp ai mang.

NEHEMIA 9:38

Hini atitichi molam y kaichi Israela mipuichi ly adeu nai leu ai cha hawi tajiu iy kaichi i luchi, Levi theaungchi hawi pathyp pi nai keungchi my, pajawp typ nai ka-ma-ra nip u bo.

ISAIA 44:5

“Khumichi ly leaungrei bo y leaungrei, ‘Kai ly Areng i khumi ne,’ nanai thui u ai. Nichi ly Israela chengchi hawi vanrei jeu iy awm u ai. Nichi ly khumi luteng kiubanra y Areng i amyn tajiu u iy, mymychi naimy Tameuh i khumi, nanai apalau u ai,” napi.