2 NENG SATANG 23:13 - Khumi Common Language Bible

¹³ Naibaly tavai luchi hawi baw eng nai khumichi taki teungtareung naimy Achura yhm katheu pa-khora i leungcheng sahawi y, samrangchi i vui khai takhra nai meingtym y angdo nai samrang kangtha ai niu. Khumi mipui bawibawichi ly amo theu parai naimy aeu nai, bawchi eng nai, Achura yhm katyn kapau beu kawp naichi my py, mymychi i katyn kapauchi beu nai, samrang palyn nai pawi sa u nai ne. Huna nai khala Athalia ly my i ateaung sei iy, “Ang tiu nai bo na a! ang tiu nai bo na a hi ly!,” nanai aeu bo.

2 NENG SATANG 23:13 ပူးပေါင်းရင်းမြစ်များ

2 ARENG KEH 11:14

Achura yhm katheu pa-kho ra i yhmmawm sahawi y, Juda samrangchi i sa reng nai reita kamta angdo nai samrang kangtha ai py, tavai luchi hawi baw eng nai khumichi ly samrang ai taki teungtareung iy, amo theu aeu naimy bawchi eng u nai py niu i, my i ateaung sei iy, “Ang tiu nai na ahi ly! ang tiu nai na a hi ly!,” nanai aeu bo.

2 ARENG KEH 23:3

Ni ly samrang yhm i yhmmawm sahawi y angdo iy, “Kai ly nang i leu tangai ai; nang i leu hawi Reita leu pei naichi ai, paleung, phailo, atho bawibawi hawi atyp ai,” nanai Areng hawi leu maikawm asa bo.

2 ARENG KEH 9:13

Naibaly tlenrei khyhmy, Jehu i tavailu arengchi ly khailei lu salo y Jehu amchyn ai nai mychi i ateaungchi bai iy baw eng u i, “Jehu ly samrang lawm bo!” nanai aeu u.

2 ARENG KEH 9:23

Joram my, “Aw Ahazia awi, hini ly ang tiu nai na a hi ly!,” nanai aeu i, my i keaungngo ka-ri alengli hai iy angpreng vui nai ne.

1 NENG SATANG 12:40

Kamlora i Isakhar, Zebulon, Naphtali theaungchi napi nai tosyh mang i khumichi ly tako dei, thaidu athai, kreip hang hawi olive asituichi keaungngo kano kasauchi, kula-iuchi, keaungngo kaneaung kasauchi, sichi tleaung y tang iy syn u bo. Nichi ly tleh iy cha u ai nai sichi hawi beramchi py, syn u nai ne. Hina nai leaungsai bawibawichi hawi, pri verei y awm nai Israela chengchi i amo theu nai sai amteng hai nai ne.

1 NENG SATANG 15:27

Samrang Davida ly khri pa-rei apu parai nai kanih mai ka-syn amthyp. Hunai kamta katyn kapau beu kawp naichi, nichi i lu Khenania hawi Pawm angjeaung nai Levi theaungchi py amthyp u nai ne. Davida ly apathyp nai ateaung py amthyp.

2 NENG SATANG 23:12

Athalia ly samrang ai khumichi my tahm pasang nai katyn thai nai deaungkho y, khumichi awm achu nai Achura yhm mang y tym tamangtang bo.

2 NENG SATANG 23:14

Jehojada ly Athalia ai Achura yhm apai theung y padei ai nai ngai y nai deaungkho y, “Ni ai tamcheaungchi theung i nai patheu u; ni ai sabawm nai khumi ai ly padei u pawn,” nanai tavai luchi teng y leu pei bo.

2 NENG SATANG 34:31

Ni ly samrang i leungcheng sahawi y angdo iy, “Kai ly nang i leu tangai ai. Nang i reita hawi leu pei naichi ai paleung hawi verei kry ai. Leu Maikawm cha-iu theung y tajiu nai kamta sa patawm ai,” nanai Areng hawi Leu Maikawm asa bo.

SAM 14:5

Na i py Tameuh ly mymy i leu tangai nai khumichi hawi vanrei awm nai deaungkho y, nichi ly kaso theu u ai.

LEU KACHENG 11:10

Neaung hawi nai khumichi nang chawn nai khala, mary i khumichi ly amo theu u. Khumi hawi y naichi dei nai khala ly amo theu achaw u lengleang nai ne.

LEU KACHENG 29:2

Samrang kahawi my peang nai thym khala ly mipuichi ly amo theu u bo. Samrang hawi y naimy peang nai khala ly mipuichi paleung bi u nai ne.

Parip nai leu 9:12

Nang i vui neng kamki ly nangmy pany khyp pajau y leang; deaung y man nai tavochi kamta mo, paleupy y man nai ngochi kamta mo, achi ly taham si nai neng khala ly pany y naimy deaung y man reng nai ne.

Ezekiela 46:2

Peang thym nai samrang ly huni katheu mang, apai theung i ly-um dengdairei katheu pa-kho theung mang y awm nai takun theung y kun ai nai tla. Ni ly mymy i leng patlum nai kapathyprachi, leunghawi kapathyprachi ai pathyp pi nai keungchi my talam nai thym khala, katheu pa-kho chengheng sahawi y angdo ai nai tla. Ni ly katheu pa-khora chiu sa chum baly, angam mang y theu teang ai nai tla. Katheu pa-kho ly dym mang y khrairei paeaung jo ai nai tla.

TARA CHIH NAI KEUNGCHI 7:8

Hunaibaly Kideon ly teicha teineichi hawi, bawchi syn nai khumi leaung chungvai thomreichi bo i, takhra Israela chengchi ai ly yhm y vawi hai bo. Midian chengchi i tai ly ka-nem mang leaunghawi theung y awm nai ne.