2 NENG SATANG 23:12 - Khumi Common Language Bible

¹² Athalia ly samrang ai khumichi my tahm pasang nai katyn thai nai deaungkho y, khumichi awm achu nai Achura yhm mang y tym tamangtang bo.

2 NENG SATANG 23:12 ပူးပေါင်းရင်းမြစ်များ

2 NENG SATANG 23:11

Naibaly Jehojada ly Josha ai patheu iy, samrang lukhym amym hai i, samrang i reita cha-iu talam pi. Hina nai kamta Josha ai samrang palyn u nai ne. Pathyp pi nai keung Jehojada hawi ni i chapochi ly Josha ai asitui lei pi nai khala khumi bawibawichi my, “Samrang ly heng sau sy!,” nanai aeu u.

2 NENG SATANG 23:13

Naibaly tavai luchi hawi baw eng nai khumichi taki teungtareung naimy Achura yhm katheu pa-khora i leungcheng sahawi y, samrangchi i vui khai takhra nai meingtym y angdo nai samrang kangtha ai niu. Khumi mipui bawibawichi ly amo theu parai naimy aeu nai, bawchi eng nai, Achura yhm katyn kapau beu kawp naichi my py, mymychi i katyn kapauchi beu nai, samrang palyn nai pawi sa u nai ne. Huna nai khala Athalia ly my i ateaung sei iy, “Ang tiu nai bo na a! ang tiu nai bo na a hi ly!,” nanai aeu bo.