2 NENG SATANG 22:11 - Khumi Common Language Bible

¹¹ Ahazia ly Jehosheba napi nai (ampo vanrei, amhm takhra nai) tuicho leaungrei awm. Ni ly Jehojada napi nai pathyp pi nai keung hawi yhmtheaung sa. Jehosheba ly padei ai nai samrang chochi theung i Ahazia i chapo Josha, deaungdi kry nai keung hawi vanrei, Achura yhm takun theung y heu vui bo. Ni ly huna nai heu vui nai deaungkho y, Athalia my padei ai naira i nai lawi hai bo.

2 NENG SATANG 22:11 ပူးပေါင်းရင်းမြစ်များ

2 SAMUELA 7:13

Ni ly kai i vui Achura Yhm sa ai nai nga ai. Kai ly ni i samrang atehra khaw hai jojo ai.

1 ARENG KEH 15:4

Na i py my i Areng Tameuh ly Davida i meimai y dawn i, Abijah by y nai bo y Jerusalem mary ai peang ai nai hawi, Jerusalem mary ai chymme naimy kry ai nai chapo leaungrei ai pei bo.

2 ARENG KEH 11:2

Ahazia i chapo Joasa leaungrei naini tleaung khyh nai ne. Ni ai py takhrachi hawi vanrei padei ai enten nai khala, amni Jehoseba my lawi hai vui nai ne. Jehoseba ly Jehoram i chaniu ne i, Ahazia hawi ampo vanrei, amhm takhra nai tuicho ampro ne. Ni ly Joasa ai padei y ai nai, Joasa hawi kry nai keung ai palau iy, Achura yhm takun theung y heu vui.

2 NENG SATANG 21:7

Na i py Areng ly Davida hawi Leu Maikawm asa iy, ni i samrang kangpreang avaw hai y ai nai adeu pi nai deaungkho y, samrang Davida i kangpreang phra hai ai nai nga y.

2 NENG SATANG 22:10

Ahazia i amhm Athalia ly chapo ai padei nai satang thai phai thai baly, Juda pri y awm nai samrang kangpreang ngiereichi ai padei pawn nai ne.

2 NENG SATANG 22:12

Athalia my peang nai thym khala Josha ly Achura yhm theung y saneng tariurei aheu nai ne.

2 NENG SATANG 23:1

Jehojada ly saneng tariurei ajeng nai bo baly, kalop sa ai nai neng tym bo, nanai adawn i, tavaimi miteaung keh leaung pangreichi napi nai, Jeroham i chapo Azariah, Jehohanan i chapo Ismaela, Obed i chapo Azariah, Adaiah i chapo Maseija hawi Zikhri i chapo Elishaphatchi hawi leu ka-dyh nga bo.

SAM 33:10

Areng ly khumi cheng cheaungkhangchi i dawn nairachi phra hai bo. Nichi i dawn tau naichi ai py, amcheang hai y ai nai paka vui nai ne.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

THEU NAI 8:3

Naing tavo theung y uiphochi kawi hai ai; huni uiphochi ly tavo theung i dengdairei nang i yhm, takun, ira tleaung y py, nang i bangtangchi i yhmchi, nang i chengchi i yhmchi, takeangchi, laawmchira y lyn ai.

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

ISAIA 65:8

Areng my, “Kreip athai kahawichi ai ami py taphra vai y; ati iy kreip hang sa u nai ne. Kai ly kaimy i khumi bawibawichi ai tamyh veng ai ny y. Kai ai chiu nai khumichi ai ly kaimy atleu ai.

AMTAW 4:28

Heroda hawi Pontia Pilata hawi, Cheng Takhrachi hawi Israela khumichi py amkheng achu tatang nai bo.