2 NENG SATANG 21:17 - Khumi Common Language Bible

¹⁷ Nichi ly Juda pri theung y kun iy samrang yhm y lawm u bo. Naibaly chapo kasawi Ahazia ai naini khai su i, huni bo i chapochi hawi ajuchi ai patiu iy langheng y hawi nai ne.

2 NENG SATANG 21:17 ပူးပေါင်းရင်းမြစ်များ

2 ARENG KEH 10:13

Juda samrang Ahazia i amjo amnau phyreichi hawi avum i, nichi teng y, “Nangchi ly amichi mo?,” nanai deng. Nichi my, “Kaichi ly Ahazia i amjo amnauchi ne; kaichi ly samrangnu Jezabela i cho chanauchi hawi, takhra samrang i amjo amnauchi ai de ai nai Jezarela mary y chei nai ne,” nanai pathang u.

2 NENG SATANG 22:1

Arab cheng phyreichi my tiu i, samrang Jehoram i chapo kasawi keh Ahazia ai naini khai iy huni bo i chapo bawibawichi ai padei chauchau. Hunai deaungkho y Jerusalem mary i khumichi ly Ahazia ai ampo i meingtym samrang y palyn u bo.

2 NENG SATANG 22:6

tamo asi atang ai nai Jezarela mary y vawi teang bo. Huna nai khala Ahazia py, ni ai no de ai nai huni mary y chei nai ne.

2 NENG SATANG 24:7

(Neampachy kaphra Athalia i khumichi ly Achura yhm taphra iy, khai takhra nai vawnsai ateaung alangchi la i, Bala tameuh ai chiu nai achura yhm y teaung u nai ne.)

2 NENG SATANG 25:23

Jehosha ly Amazia ai patiu i, Jerusalem mary y tha chum baly, mary apai Ephraim katheu pa-kho dengdai taki katheu pa-kho ryrei, miu 400 rei taphra nai ne.

JOELA 3:5

Nangchi ly kai i muku, tangka, yhmtheaung katuichi ai, nangmychi i achura yhmchi mang y syn u bo.

AMOS 1:6

Areng my, “Kaza mary i khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khumi cheng vui jeungreichi ai, Edom khumichi teng y miseaung y jo u nai ne.