2 NENG SATANG 21:14 - Khumi Common Language Bible

¹⁴ Hunai deaungkho y Areng ly nang i khumichi, nang i cho chanauchi hawi nang i ajuchi ai khri pa-rei pajeng ai i, nang i yhmtheaung katuichi py phra hai pawn ai.

2 NENG SATANG 21:14 ပူးပေါင်းရင်းမြစ်များ

1 ARENG KEH 2:32

Kai i ampo Davida pany y naimy sa nai, khumi ai padei nai molam y, Areng ly Juaba y pajeng ai. Juaba ly mymy tleaung y hawi keh nai Israela tavailu areng Abana hawi, Juda tavailu areng Amasa napi nai, kamngo by y nai khumi leaung nyhrei ai padei nai ne.

2 NENG SATANG 21:13

Ahab hawi ni i meingtym y amtym u nai samrangchi ly Israela chengchi ai Tameuh i tlang tleaung y kamngo sa ai nai lam patei nai kamta, nang ly Juda khumichi hawi Jerusalem mary i khumichi ai kamngo sa ai nai lam patei bo. Nang ly nangmy tleaung y hawi nai ngamnauchi ai py padei bo.

2 NENG SATANG 21:15

Nangmy py tavaira y khri pa-rei no nai mi, kani tleaung kanirei nora nora ai,” nanai ne.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

HOSEA 5:11

Israela chengchi ly ana naira avum u bo. Nichi ly kasabawmra pei pajau y nai mynchi teng i, kasabawmra hnei ai nai paleung apei u keh nai deaungkho y, mychi i khaileaung meingtym chau vui bo.

Levi 26:21

“Nangchi ly kai ai ka-awi sa iy kai i leu tangai y asai baly, kai ly pajeng naira phy tlen saryhrei kang tym hai panawi bi ai.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.