2 NENG SATANG 21:11 - Khumi Common Language Bible

¹¹ Ni ly Juda mawi aheungchira y myn chiu nai meingtymchi sa iy, Juda khumichi hawi Jerusalem mary i khumichi ai, Areng i tlang tleaung y kamngo sa ai nai lam patei bo.

2 NENG SATANG 21:11 ပူးပေါင်းရင်းမြစ်များ

1 ARENG KEH 11:7

Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.

1 ARENG KEH 14:16

Jeroboam ly kamngo sa i, Israela chengchi ai py kamngo lam mang y pahawi nai deaungkho y, Areng ly Israela pri khai su ai,” napi.

1 ARENG KEH 14:9

Nang ly nangmy ny rai khala i peang nai samrangchi tleaung y py, khri pa-rei kamngo len naichi sa bo. Nang ly kai ai hi vui iy tameuh takhra ai chiu naimy mynchi sa nai molam y, kai ai kado patheu lawh ly.

2 ARENG KEH 21:11

“Manase ly hini amso ngai naichi sa bo; kanan chengchi i hawi y sa nai tleaung y py, khri pa-rei hawi y naichi sa lawh bo. Ni ly my i sa nai mynchi hawi Juda khumichi ai kamngo lam mang y pahawi nai ne.

2 ARENG KEH 9:22

Joram my, “Nang ly tlamsa nai ka-dawn hawi jeu nai a?,” nanai deng. Jehu my, “Nang i ngamhm Jezabela my sa amteaung nai uimiu atam kawp nai hawi myn chiu naichi awm nai ryrei ly ati mana tlamsa naira awm pajau ai mo?,” napi.

2 NENG SATANG 21:10

Jehoram ly mymy i amsi pajochi i Areng Tameuh ai khai su nai deaungkho y, huna nai thym khala my Libana mary i khumichi my py tiu nai ne.

2 NENG SATANG 21:13

Ahab hawi ni i meingtym y amtym u nai samrangchi ly Israela chengchi ai Tameuh i tlang tleaung y kamngo sa ai nai lam patei nai kamta, nang ly Juda khumichi hawi Jerusalem mary i khumichi ai kamngo sa ai nai lam patei bo. Nang ly nangmy tleaung y hawi nai ngamnauchi ai py padei bo.

2 NENG SATANG 33:9

Manase ly Israela chengchi kun u nai thym khala y, Areng my patheu pi pawn nai khumichi tleaung y khri pa-rei kamngo sa ai nai, mymy i khumichi ai lam patei bo.

SAM 106:39

Huna nai kamta tleh u nai deaungkho y, mymychi ai py chai hai y nai ne. Huna nai sa u nai molam y, Tameuh i tlang tleaung y py ka-ym by y bo.

SAM 78:58

Nichi ly tameuh ny y naichi ai chiu ai nai meingtym sa u nai molam y, nang ai kado theu hai; mynchi molam py mymy ai kado theu hai bo.

THEU NAI 34:16

Nangchi i chapochi ly huni pri i neampachychi ai pom u lawh baly, huni neampachychi ly kai ai ym y iy, nichi i tameuhchi ai chiu ai ym ai nai, nangchi i chapochi ai parawi ai.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

JEREMIA 3:8

Israela ly kai ai khai su iy bima kalop sa nai deaungkho y, kaimy khai vui i, kapatheu praw bo. Na i py Israela i tuicho ka-ym by y nai tuicho ly jei y i, mymy naimy bima kalop sa iy,

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 23:11

Aholiba ly hina nai leaungsaichi niu; na i py ni ly Ahola tleaung y hawi y keh nai bima lawm bo.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

HOSEA 4:15

“Nangchi Israela khumichi ly kai i tlang tleaung y ka-ym by y teu i py, Juda khumichi ly huna nai kamngochi so u moh sy, Kilakala mary, ti y baly Bethevanmarychira y chiu u moh. Huni marychira y heng nai Areng i amyn tau iy vaineng abeu u moh.

Levi 17:7

Israela khumichi ly Areng ai ka-awi sa naimy daichi theung y tawnbawichi tleh iy, vawinamchi teng y apathyp bi ai nai avo y. Israela khumichi ly hini reita pei nai ai teaung patawm jojo ai nai tla.

Levi 20:5

ni hawi ni i yhm dengtheungchi ai py, huni khumi kamta kai ai ka-awi sa iy Mole tameuh ai chiu nai ngiereichi ai py, kai ly meimai hi vui iy kai i khumichi theung i nai nyn va vui ai.

HABAKKUK 2:15

Nangchi ly taham si u! Nangchi ly kado theu nai deaungkho y, nangmychi i yhm deaungpa prichi ai cheh iy kangji khai u bo. Nichi ai pavui tapai nai kamta atlym hai khikha bo.

Leu Thui Nai 31:16

Areng my theung mang dengdairei Mosi teng y, “Nang ly kra y nai sala y dei ai, nang dei nai bo y Israela chengchi ly vaineng takan iy, nichi hawi kai asa nai Leu Maikawm taphra u ai. Nichi my kai ai khai su iy nichi awm ai nai pri i tameuh takhrachi ai chiu u ai.