2 NENG SATANG 21:10 - Khumi Common Language Bible

¹⁰ Jehoram ly mymy i amsi pajochi i Areng Tameuh ai khai su nai deaungkho y, huna nai thym khala my Libana mary i khumichi my py tiu nai ne.

2 NENG SATANG 21:10 ပူးပေါင်းရင်းမြစ်များ

1 ARENG KEH 11:31

Jeroboam teng y, “Nangmy i vui ateaung sei horei lo; ati mana nai mo nabaly Israela chengchi i Areng Tameuh my nang ai, ‘kai ly Solomon teng i pri kala vui iy Israela cheng theaung horeichi ai peang ai nai kang pei ai.

1 ARENG KEH 11:33

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.

2 ARENG KEH 19:8

Asuria empara samrang ly Lakhisa mary i nai theu iy, tengpang sahawi i Libana mary y tiu, nanai Asuria miteaung keh ly thai nai khala, samrang hawi avum ai nai huni meingtym y chei bo.

2 NENG SATANG 13:10

“Na i py kaichi ly kaimychi i Areng Tameuh ai khai su y naimy kachiu u jojo. Aron kangpreang pathyp pi nai keungchi ly mychi i kalopchi sa naimy awm u. Nichi ai Levi theaungchi my sabawm nai ne.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 21:11

Ni ly Juda mawi aheungchira y myn chiu nai meingtymchi sa iy, Juda khumichi hawi Jerusalem mary i khumichi ai, Areng i tlang tleaung y kamngo sa ai nai lam patei bo.

2 NENG SATANG 21:8

Jehoram i peang nai deung y Edom khumichi ly law tleaung nai pri lawm ai nai tavai ang thau u bo.

2 NENG SATANG 21:9

Jehoram hawi ni i tavailu arengchi ly tavai ka-richi hawi theu iy, Edom pri y tiu u. Nichi ly huni meingtym y Edom tavaimichi my katanmeuh nai ne i py, vum y preang u nai ne. Huni neng dengdairei Edom pri ly law tleaung nai pri lawm bo.

ISAIA 1:28

Na i py mymy ly kamngo sa nai khumi hawi mymy ai tiu nai khumi bawibawichi ai tamyh pawn ai. Mymy ai khai su nai khumi ngiereichi ai tamyh ai.

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

Leu Thui Nai 32:21

Nichi i tameuh mynchi hawimy kai ai kado ang theu hai bo; nichi i tameuh tatang ny y nai hawimy kai ai takho ang si hai. Hunai deaungkho y aso ami y nai khumi cheng lawm hai nai hawimy nichi ai kado theu hai ai. Cheng y nai khumi cheng lawm nai hawimy, nichi ai takhosi nai paleung tym hai ai.

JOSUA 10:29

Naibaly Josua hawi Israela tavaimichi ly Makedah mary i dengdairei, Libana mary mang y tavai thau u bo.

JOSUA 21:13

Aron i katu chanauchi i vui khai takhra pi nai marychi ly Hebron mary (abyhra mary harei), huni bo y Libana mary,

TARA CHIH NAI KEUNGCHI 10:13

Na i py nangchi ly kai ai khai su iy, tameuh takhrachi ai chiu u bi bo. Hunai deaungkho y kai ly nangchi ai atleu bi y leang bo.