2 NENG SATANG 20:7 - Khumi Common Language Bible

⁷ Nang ly kaichi i Tameuh ne. Nang i khumi Israela chengchi ly hini pri y kun nai thym khala, nang ly hini pri y awm yb nai khumichi ai patheu vui iy, hini pri ly nangmy i ahawi Abraham i kangpreangchi teng y deungtasarei amtym ai nai pei pi bo.

2 NENG SATANG 20:7 ပူးပေါင်းရင်းမြစ်များ

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 13:15

Nang i niu nai meingtym bawibawi ly nang hawi nang i kangpreangchi i vui deungtasarei amtym u ai nai kai my kang pei ai.

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

2 NENG SATANG 20:8

Nichi ly hini pri y awm iy nang ai tahm pasang ai nai Achura yhm sa u nai ne.

NEHEMIA 9:8

Nang i tlang tleaung y ka-ym awm nai khumi, nanai niu nai deaungkho y, nang ly ni hawi Leu Maikawm asa bo. Ni i katu chanauchi awm ai nai i vui y, ni teng y Kanan pri, Hiti pri, Amori pri, Perizi pri, Jebusi pri hawi Kirakashi prichi pei ai nai adeu bo. Nang ly ka-ym awm nai keung ne nai deaungkho y, adeu nai leu khaw hai ai.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

SAM 80:8

Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

THEU NAI 33:2

Nangchi ai lam patei ai nai Angel ai kaimy pato pi ai. Kanan cheng, Amori cheng, Hiti cheng, Perizi cheng hawi Jebusi chengchi ai kaimy patheu pawn ai.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

ISAIA 41:8

“Na i py kai i miseaung Israela chengchi awi, kaimy vawi takhra nai nangchi ly kai i ahawi Abraham i katu chanauchi ne.

JOHAN 11:11

Mymy ly huna nai kamta leu thui. Hunai bo y mymy ly nichi teng y, “Achi i ahawi Lazara ly i bo, palaw ai nai kai chei ai,” napi.

JOHAN 15:15

Nangchi ai miseaung kang tapi ali y leang bo; yhmkeung i atiti sa nai ly miseaung ly pany y; na i py nai awi, kang napi bo; Ampo teng i kai i atiti thai nai bawibawi ly kang thui pi veng bo.

Leu Thui Nai 4:38

Vai nangchi amtym ai nai pri y peang pajau ai nai, nangchi i tako nai lam y awm nai, nangchi tleaung y atho awm nai khumi chengchi ai patheu pi pawn bo.

JAKOB 2:23

naibaly Abraham ly Tameuh ai ym i, huni ym naira my ly hawi naira y palawn, nanai Tameuh i leu tym bo; naibaly mymy ai Tameuh i ahawi pathi bo.

JOSUA 1:6

Nang ly atho sa iy vam parai naimy awm ba. Nang ly hini khumichi ai lu sa iy, nichi i amsi pajochi teng y kaimy pei ai adeu nai pri y kun iy tiu vui ai nai tla.

JOSUA 23:9

Nangchi tavai thau u nai thym khala, Areng my atho awm nai khumi chengchi ai patheu pi veng nai deaungkho y, amimi py nangchi ai amtang pajau y leang.

JOSUA 24:13

Nangchi my thawn vai y, so vai y nai khaileaung meingtym hawi, so vai y nai marychi ai nangchi teng y kang pei bo. Vai ly nangchi huni khaileaung y awm iy, nangchi ui y nai kreip akho hawi, Olive akhochi ra i dengdairei, athai cha u nai ne,” napi.

JOSUA 24:3

Kai ly nangchi i amsi pajo Abraham ai Euphrat tavo vai mang y awm nai meingtym i dengdairei kapalau iy, Kanan pri meingtym tleirei y kapahawi i, ni i kangpreangchi ai peung hai bo. Ni ai chapo Isaka thawn hai bo.