2 NENG SATANG 20:6 - Khumi Common Language Bible

⁶ Naibaly aeu naimy chiu sa nai ly “Aw kaichi amsi pajochi i Areng Tameuh, nang ly kani pri mang y awm iy khaileaung pri y awm nai khumi cheng cheaungkhangchi ai peang nai ne. Nang ly sa thai naira hawi nang parai naira kawi angym nai deaungkho y, ami py nang ai ka-awi so pajau y.

2 NENG SATANG 20:6 ပူးပေါင်းရင်းမြစ်များ

1 ARENG KEH 8:23

“Aw Israela chengchi i Areng Tameuh, kani mang y py, khaileaung y py, nang hawi atawm nai tameuh ly by y; nang i khumichi ly nang i leu ai paleung hawi verei tangai nai khala y, nang ly nichi hawi asa nai Leu Maikawm ai khaw hai iy, nang i pahen nai patei pi ba.

1 ARENG KEH 8:30

Hini meingtym mang y mo tha naimy kai hawi nang i khumichi chiu sa nai khala y tangai pi kyh ba. Nangmy i awm nai kani pri mang dengdairei, kaichi i hnei takeng naichi tangai pi iy, kaichi i kamngo py pahen kyh ba.

1 NENG SATANG 29:18

Kaichi i amsi pajochi napi nai Abraham, Isaka hawi Jakobchi i Areng Tameuh, hina nai Tameuh teng y paleung apei nai ka-dawn ly nang i khumichi i paleung theung y khaw parai naimy awm hai jojo sy. Nichi ly nang i tlang tleaung y ka-ym awm na sy.

2 NENG SATANG 20:5

Naibaly nichi ly Jerusalem mary i khumichi hawi vanrei, apai theung i ly-um kangthara y angym u bo. Samrang Jehoshapha ly nichi i mo y jeu iy angdo;

2 NENG SATANG 25:8

Tavai keung y nichi abawi nai deaungkho y, atho awmra ai, nanai nang ly athang khai lym ai. Na i py Tameuh ly tavai eaung naira hawi sum naira pei pajau nai keung ne nai deaungkho y, nang ly huni khumichi hawi amkawm lawh baly, nang ly paleung ka-echi i kiu y sum ai,” napi.

2 NENG SATANG 6:14

Mymy ly hina nai chiu sa, “Aw Israela chengchi i Areng Tameuh, kani hawi khaileaung salo y nang hawi atawm nai tameuh by y. Nang i khumichi ly nang i leu ai takhawi y naimy tangai u nai khala, nang ly nichi hawi asa nai Leu Maikawm taphra y naimy, nichi ai tamen nai ne.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

SAM 115:3

Kaichi i Tameuh ly kani pri mang y awm iy, mymy i ngai nai kamta, ati cheaungkhangchi ai sa bo.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 47:2

Tahm asang parai nai Areng ly ka-jei hawi parai; mymy ly khaileaung pri verei y peang nai, nang parai nai samrang ne.

SAM 47:8

Tameuh ly mymy i chai parai nai atehra bailang salo y ateh bo; pri neangneangchi ai peang nai ne.

SAM 54:1

Aw Tameuh, nang i sa thai naira hawi kai ai atleu ba; kai ai nang i atho hawi lawi hai kyh ba.

SAM 62:11

Tameuh teng y sa thai naira awm, nanai py, mymy i tamen naira ly khaw parai, nanai py, mymy i leu pei nai ly tlenrei khyh chang y nai kai kathai bo.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

ISAIA 14:27

Ati cheaungkhang sa thai nai keung Areng ly hina nai kamta sa ai nai leu pacheang yb bo. Mymy py kamngo pajeng ai nai kiu pheu yb nai ne. Mymy ai ami py paka pajau ai ny y.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 49:19

Kai ly Jordan tavo jeungrei y awm nai daichi kabeng theung i dengdairei, heng-a nai sui tlai naira meingtym y theu nai khrangsi kamta theu iy, Edom chengchi ai mychi pri i nai paryh pawn ai. Hunaibaly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Kai ai ami tiu pajau ai mo? Mani samrang ly kai ai awi pajau ai mo?

DANIELA 4:17

Hini ly ang khen ang kry nai kani pri amtaw thauchi i sa nai saichi ne. Hunai deaungkho y tahm asang parai nai Tameuh ly khaileaung prichi tlang tleaung y sa thai naira kawi angym nanai py, mymy ly tahm anem keh nai khumi ai malawn py vawi iy samrang y palyn pajau nanai py, meingtym tleirei y awm nai khumi bawibawichi pany u sy,” nanai tao pajeng parai naimy aeu bo.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

AMTAW 11:17

Hunaibaly ‘Areng Isu Krista ai achi ym bo nabaly Tameuh my achi teng y atiti pei nai ly nichi teng y py pei teang nai bo y ly, kai nai Tameuh ai mana ei pajau ai a?” napi.

ROM AVANGCHI TENG Y PAWLA I CHA PA NAI 9:19

Hunaibaly nang ly kai teng y, “Ati mana nai ang padeng rai mo? Mymy i kangai paka nai keung ly ami mo?” napi ai ngaw khyh.

Leu Thui Nai 4:39

Hunai deaungkho y Areng ly kani hawi khaileaung salo i Tameuh ne. Tameuh takhra by y leang, nanai py pany u jo ba.

JOSUA 2:11

Huni satangchi thai phai thai baly kaichi jei hyn u bo. Nangchi molam y kaichi ly paleung phra atho di u nai ne. Nangchi i Areng Tameuh ly kani khaileaung peang nai keung Tameuh ne.