“Nang ly nangmy i khumichi ai paleung ka-echi hawi tavai atiu ai nai leu pei nai khala y, nichi ly nangmy i vawi takhra nai hini mary hawi, nang i vui kaimy kang sa pi nai hini Achura Yhm mang y mo tha iy chiu sa hnei takeng nai khala,
Naibaly aeu naimy chiu sa nai ly “Aw kaichi amsi pajochi i Areng Tameuh, nang ly kani pri mang y awm iy khaileaung pri y awm nai khumi cheng cheaungkhangchi ai peang nai ne. Nang ly sa thai naira hawi nang parai naira kawi angym nai deaungkho y, ami py nang ai ka-awi so pajau y.
Ni ly samrang i leungcheng sahawi y angdo iy, “Kai ly nang i leu tangai ai. Nang i reita hawi leu pei naichi ai paleung hawi verei kry ai. Leu Maikawm cha-iu theung y tajiu nai kamta sa patawm ai,” nanai Areng hawi Leu Maikawm asa bo.
Naibaly kai ly leu pei naichi thai hai ai nai Areng my pato nai, Topheth i nai theu iy Achura yhm apai theung i ly-um y angdo naimy, khumi bawibawichi teng y,