2 NENG SATANG 20:3 - Khumi Common Language Bible

³ Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

2 NENG SATANG 20:3 ပူးပေါင်းရင်းမြစ်များ

2 NENG SATANG 11:16

Israela chengchi i Areng Tameuh ai chiu takengkei ai ngai nai Israela theaung bawibawichi ly mymychi i Areng Tameuh teng y kapathyprachi talam ai nai Levi theaungchi hawi vanrei, Jerusalem mary y abang u nai ne.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 7:14

Nichi ly kai teng y chiu sa naimy uikheih iy, mymychi i sa nai kamngo khai u su baly, kai ly kani pri mang dengdairei nichi i chiu sa nai tangai pi ai. Nichi i kamngo palawi pi iy, nichi i pri y paitiu thym hai teang ai.

NEHEMIA 9:1

Huni lo kani 24rei kani y Israela chengchi ly mymychi i kamngo molam y, paleung si nai ka-ma-ra paisiuchi amchiu u iy, lu y spryh aphui u; naibaly nichi ly mymychi i kamngo hawi amsi pajochi i kamngochi pany hai iy uikheih u bo.

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

JEREMIA 36:9

Josia i chapo Juda samrang Jehojakim i samrang atheng nai pa-ngo saneng, takawrei lo y, Israela khumichi ly Areng y meimai nga ai nai molam, biu hai ai nai neng thai hai nai deaungkho y, Jerusalem mary i khumi bawibawichi py, Juda mary tleirei i jeu u nai khumi bawibawichi py, biu hai u bo.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

JOELA 1:14

Biu hai ai nai leu pei nai ahei hai ly mipui achu nai pawi harei so u! Nangchi i Areng Tameuh i Achura yhm y Juda mipuichi hawi lu sa naichi ai angym hai chum baly, mymy teng y vo naimy aeu u.

AMOS 5:4

Areng my, “Israela khumichi awi, kai teng y ali u teang jau; naibaly nangchi heng u ai.

JONA 1:16

Huna nai aham nai khala y sampho i khumichi ly Areng ai khri pa-rei jei u nai deaungkho y, apathyp u chum baly mymy ai chiu ai nai vaineng adeu u nai ne.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

TARA CHIH NAI KEUNGCHI 20:26

Huna nai khala Israela cheng bawibawichi ly Bethela mary y chei iy vo u. Nichi ly Areng i mo y ateh iy, kani dym nai pa-rei biu hai u bo. Nichi ly Areng i mo y amkawm nai kapathypra hawi leng patlum nai kapathyprachi talam u.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)