2 NENG SATANG 20:29 - Khumi Common Language Bible

²⁹ Israela chengchi i paleung ka-echi ai Areng my tavai pasum bo, nanai thai nai khumi cheng cheaungkhangchi ly jei hyn u nai ne.

2 NENG SATANG 20:29 ပူးပေါင်းရင်းမြစ်များ

ATITI AWM ANGCHEI NAI 35:5

Jakob hawi my i chapochi theu u nai khala, tengpang sahawi mary i khumichi ly khri pa-rei jei u i, nichi ai hui vam y bo.

2 ARENG KEH 7:6

Areng my Suria khumichi teng y, keaungngo atang nai risachi, tavai ka-richi hawi tavaimi kamkawm pui tavai thau nai katyn thai hai nai deaungkho y, Suria khumichi my, “Israela samrang ly achi ai tiu ai nai Hiti samrang hawi Aikupta samrangchi teng y kasabawmra hnei nai bo,” nanai thui u.

2 NENG SATANG 14:13

Huni khumichi ai Asa hawi ni i risachi ly Kera mary y khrairei preang nai ne. Ethiopia cheng neangneang dei nai deaungkho y, nichi ly tiu ali teang ai nai khumi kachu pajau y bo. Areng hawi Juda tavaimi kamkawmchi i kiu y tavai sum u nai ne. Juda tavaimi risachi ly vawnsai neangneang nga u bo.

2 NENG SATANG 14:14

Naibaly Kera mary sahawi i marychi ly Areng ai jei hyn u nai deaungkho y, Juda tavaimi risachi ly huni marychi taphra pajau nai ne. Nichi ly huni mary bawibawichi ai tiu u i, vawnsai neangneang pakym u bo.

2 NENG SATANG 17:10

Areng ly tengpang sahawi i pri bawibawichi ai Jehoshapha hawi tavai atiu ai nai jei hai bo.

2 NENG SATANG 20:28

Nichi ly mary y tym nai khala tarochi, bawchi eng iy Achura yhm mang y tapai u.

SAM 76:8

Nang ly nangmy i tara chih nai sai ai kani pri mang dengdairei thai hai bo.

THEU NAI 14:14

Areng my ang tiu hai ai i, nangchi paleung bi u moh; nangchi ati sai py sa ai nai ngai y leang,” napi.

THEU NAI 14:25

Mymy ly Aikupta tavaimichi i tavai ka-ri kheuchi phra hai nai deaungkho y, raira avum u bo. Hunaibaly Aikupta chengchi ly “Israela chengchi i jeng y Areng my achi ai tavai ang tiu nai bo, hi i nai athawn u ali sina bo he!” nanai thui u.

THEU NAI 23:27

Nangchi ai tiu nai khumichi ly kai ai jei u ai; nangchi ai tiu nai pri i khumichi ly khrukhra iy ahei u phro ai.

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.