2 NENG SATANG 20:21 - Khumi Common Language Bible

²¹ Samrang ly khumichi hawi leu adeng ahui pajau baly, katyn kapau beu kawp nai phyreichi ai khai takhra nai pawi kani khala, amthyp reng nai ateaungchi amthyp hai i, tavaimi kamkawmchi mo mang lyn hai iy, “Areng ai ly palo u! mymy i tamen nai ly deungtasarei ne!,” nanai khulym thui u ai nai leu pei bo.

2 NENG SATANG 20:21 ပူးပေါင်းရင်းမြစ်များ

1 NENG SATANG 16:29

Nang parai nai keung Areng i amyn palo u. Katalamra syn naimy mymy i Achura yhm y kun u. Chai parai nai keung ang jeu nai khala lu meung u.

1 NENG SATANG 16:34

Areng ly hawi nai deaungkho y, kawn naimy palo u. Mymy i tamen nai ly deungtasarei ne.

1 NENG SATANG 16:41

Areng i tamen nai ly deungtasarei ne nai deaungkho y, palo nai khulym hawi mymy ai palo ai nai vawi takhra nai khumi Heman, Jeduthun hawi takhra khumichi py, huni meingtym y pathyp pi nai keungchi hawi vanrei awm u bo.

2 NENG SATANG 30:21

Jerusalem mary theung y awm angym nai khumichi ly khri pa-rei amo theu parai naimy, tako angbo abawi y nai pawi kani saryhrei sa u nai ne. Levi theaungchi hawi pathyp pi nai keungchi ly kani tlei tleirei, ham parai naimy Areng ai palo u bo.

2 NENG SATANG 7:3

Israela chengchi ly kani khusang mang dengdairei mai tla iy, Achura yhm ly phum-ang kangvang hawi kawi nanai niu nai khala, angsaveaung paichira ambeu naimy, “Nang ly hawi nai ne iy, tamen naira ly deungtasarei ne,” nanai Areng ai palo u bo.

2 NENG SATANG 7:6

Pathyp pi nai keungchi ly mymychi i vui khai pi nai meingtym ra y angdo u bo. Levi theaungchi ly pathyp pi nai keungchi hawi mo atha naimy angdo iy, samrang Davida i sa nai katyn kapauchi hawi Areng ai palo u. Samrang Davida i sa yb nai kamta, “Mymy i tamen naira ly deungtasarei ne,” nanai khulym thui u nai ne. Khumi bawibawichi angdo nai thym khala, pathyp pi nai keungchi ly bawchi eng u bo.

NEHEMIA 12:27

Jerusalem mary apai khai takhra nai khala y, Levi theaungchi ly amo theu parai naimy kawn nai leu thui nai khulymchi thui iy, sa-ra hawi tarochi beu naimy abawi u ai nai, nichi awm nai meingtymchira i dengdairei hawi u bo.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 107:1

“Areng ly hawi nai deaungkho y kawn naimy palo u; mymy i tamen naira ly deungtasarei ne!,” nanai

SAM 18:4

Deira vuinawnchi ly kai ai ang pi cheng na. Taphra naira tui sampyhchi ly kai i salo y um na bo.

SAM 29:2

Nang parai nai hawi angym nai Areng amyn palo u. Chai parai nai keung ang jeu nai khala y, mymy i mo y lu meung u.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 90:17

Kaichi i Tameuh ne nai Areng, nang i amtheaung naira ly kaichi teng y tym hai sy; kaichi i sa nai tleireira py, eaung naira pei kyh ba!

SAM 96:9

Chai parai nai keung ang jeu nai khala y, mymy i mo y lu meung u; khaileaung pri khumi bawibawichi awi, mymy i mo y jei kaji u!

LEU KACHENG 11:14

Lam patei nai keung by y nai pri ly tama ai; tau pei pajau nai khumi neangneang awm nai pri ly chymme naira nga nai ne.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.