2 NENG SATANG 20:15 - Khumi Common Language Bible15 Jahaziela my, “Samrang hawi vanrei Juda khumichi, Jerusalem mary i khumichi awi, nangchi ly paleung phra atho di u moh. Hini tavaimi kamkawm pui hawi atiu ai nai jei u moh, nanai Areng my leu pei nai ne. Hini tavai ly nangchi i vui ny y, Tameuh i vui teu. အခန်းကိုကြည့်ပါ။ |
Kai ly mipuichi paleung bi paleung mawn nai sai kaniu i, nichi hawi vanrei, nichi i miteaung kehchi hawi peang nai keungchi teng y, “Achi i paleung ka-echi ai jei u moh; Areng ly nang parai nai hawi ka-jei hawi parai, nanai pany u ly nangchi i amjo amnau, aju chanau, yhm hlauchi i vui atiu u,” napi.
Kai i pany nai takhra leaungsai harei nai ly hini ne he: hini khaileaung pri y angpreng rang parai nai khumi ly ampreng acham naira tleirei y eaung jojo ai, nanai thui pajau y; sorai paleung awm nai khumi ly tavai atiu naira y eaung jojo ai, nanai thui pajau y; khumi kachengchi ly teicha teinei avaw vai y ai, nanai thui pajau y; tau cheng nai khumi ly nang jojo ai, nanai thui pajau y; sa thai naira awm nai khumi ly kalop kalenra y atheng jojo ai, nanai thui pajau y nai ne. Khumi luteng ly taham si naira avum reng.