2 NENG SATANG 20:10 - Khumi Common Language Bible

¹⁰ “Vai ly Ammon khumi, Moba khumi hawi Edom khumichi ly kaichi ai tiu u bo. Kaichi i amsi pajochi Aikupta pri i dengdairei theu nai thym khala, amsi pajochi ai huni pri y kun ai nai nangmy pei y. Na i py nichi ly huni pri ai en vui iy taphra y naimy khai u bo.

2 NENG SATANG 20:10 ပူးပေါင်းရင်းမြစ်များ

2 NENG SATANG 20:1

Neng kra kyh nai bo y Moba pri hawi Ammon pri i tavaimi kamkawmchi ly mychi hawi nai asa nai Meunit chengchi hawi vanrei, Juda pri y tavai tiu u bo.

2 NENG SATANG 20:22

Nichi khulym thui u amteaung nai thym khala, Areng ly tym dudu nai tavaimichi ai ahei hai phro bo.

SAM 83:6

Huni amsawi amnai asa naira y Edom hawi Ismaela chengchi, Moba hawi Kakara chengchi,

SAM 83:7

Kebala, Ammon, Amalek, Philistia chengchi hawi, Turu mary i khumichi abawi u nai ne.

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

Leu Thui Nai 2:19

Hunaibaly nangchi ly Lota i kangpreang Ammon chengchi i pri sahawi y tym u ai. Kaimy nichi ai pei yb nai ly nangchi ai kang pei ai ny y nai deaungkho y, nichi ai khrukhra hai u moh ly tavai py tiu u moh,” napi.

Leu Thui Nai 2:9

Areng my kai teng y, ‘Lota i kangpreang Moba khumichi ai khrukhra hai u moh; tavai tiu u moh. Kai ly nichi teng y Ara mary kapei veng bo i, nichi i khaileaung ly nangchi ai kang pei y leang,” napi.